Uca Allah Buyurur:

Bəndəmizə (Muhəmmədə) hissə-hissə göndərdiyimizdən şübhəniz varsa, Allah ilə aranıza qoyduğunuz ulu adamlarınıza da yalvararaq ondakına bənzər bir surə gətirin! İddianızda haqlısınızsa, edərsiniz!

Bəqərə surəsi, 23

ABŞ prezidenti müsəlmanlara dəstək verdi – VİDEO

Məgər biz amerikalı-müsəlmanlarla başqa cür davranmalıyıq?

ABŞ hakimiyyəti müsəlman vətəndaşlarının diskriminasiyasına yol verməyəcək.

“Din.az” “mir.az”a istinadən xəbər verir ki, bunu ABŞ prezidenti Barak Obama deyib.

Obama xatırladıb ki, Orlando, San-Bernardino və digər şəhərlərdə baş verən terror aktları məhz ABŞ vətəndaşları tərəfindən törədilib: “Onların hamısı ABŞ vətəndaşıdır. Məgər biz amerikalı-müsəlmanlarla başqa cür davranmalıyıq? Onları xüsusi nəzarətdə saxlamalıyıq? Onları dini mənsubiyyəti əsasında diskriminasiyaya məruz qoymalıyıq? Bu bizim demokratiya ideyalarımızı əks etdirmir. Bu terrorçuların xeyrinədir, biz buna yol verə bilmərik. Mən buna yol vermərəm!”

Qeyd edək ki, Orlando şəhərində 49 nəfərin ölümü və 53 nəfərin yaralanması ilə nəticələnən terror aktından sonra Respublikaçılar Partiyasından prezidentliyə namizəd Donald Tramp prezident seçiləcəyi təqdirdə müsəlmanların ölkəyə girişinə qadağa qoyacağını vəd edib və yerli müsəlman icmasından dini radikalları polis orqanlarına təhvil verməyi tələb edib.

MÜZAKİRƏ

Bir Cevap Yazın

E-posta hesabınız yayımlanmayacak. Gerekli alanlar * ile işaretlenmişlerdir

Din.Az - yaradandan yaradılana...