Uca Allah Buyurur:

Bəndəmizə (Muhəmmədə) hissə-hissə göndərdiyimizdən şübhəniz varsa, Allah ilə aranıza qoyduğunuz ulu adamlarınıza da yalvararaq ondakına bənzər bir surə gətirin! İddianızda haqlısınızsa, edərsiniz!

Bəqərə surəsi, 23

Allahşükür erməni katolikosunu niyə qınadı?

“Erməni katolikosu imza atdığı bəyanata uyğun davranmır…”

Qafqaz Müsəlmanları İdarəsinin (QMİ) sədri, şeyxülislam Allahşükür Paşazadə erməni katolikosu II Qaregini Dağlıq Qarabağ münaqişəsi ilə bağlı verdiyi bəyanata uyğun davranmamaqda qınayıb.

“Din.az”ın əldə etdiyi məlumata görə, Şeyxülislam APA-ya müsahibəsində bildirib ki, münaqişə başlayan dövrdən bəri sülhün bərqərar olunması naminə müxtəlif vasitəçilərin səyləri əsasında müxtəlif illərdə erməni dini liderləri ilə bir masa ətrafında əyləşib və yenə bunu edə bilər. O qeyd edib ki, Rus Pravoslav Kilsəsi bu görüşlərin daha ardıcıl keçirilməsi və mövqelərin mümkün qədər uzlaşdırılmasına çalışıb: “Hər dəfə görüşlərin nəticələrinə dair birgə bəyanatlar imzalamışıq, lakin təəssüf ki, qarşı tərəf bu bəyanatların ruhuna uyğun davranış nümayiş etdirmir. Bununla belə, Rusiya patriarxının apreldəki təxribatdan sonra növbəti görüş təklifini müsbət dəyərləndirirəm. Erməni tərəfindən heç bir cavab yoxdur. Olacağı təqdirdə, bu məsələyə bir də qayıtmaq mümkündür”.

MÜZAKİRƏ

Bir Cevap Yazın

E-posta hesabınız yayımlanmayacak. Gerekli alanlar * ile işaretlenmişlerdir

Din.Az - yaradandan yaradılana...