Uca Allah oruc haqqında buyurub::

“Ey iman gətirənlər! Sizdən əvvəlkilərə fərz qılındığı kimi oruc tutmaq sizə də fərz qılındı ki, bununla qorunasınız”.

“Bəqərə” surəsi, 2/183

Allahşükür Paşazadənin müavini: “Nə qədər ki, pirlərə gedib-gələnlər var…”

“Bu gün pirlərə və ziyarətgahlara inam bir daha göstərir ki, cəmiyyətimizin doğrudan da dini təhsilə ehtiyacı var”.

İslam dini tək olan Allahdan qeyri başqa obyektə sitayiş etməyi qəti rədd edir. Hətta İslam dinini yaymaq üçün göndərilmiş Məhəmməd peyğəmbər də Allahın rəsulu olduğu üçün hörmətli bir şəxs sayılsa da, nəzəri cəhətdən o da sitayiş obyekti hesab olunmur.

Lakin bir çoxları hələ də pirlərə gedir, oradan yardım umurlar.

Bəs günümüzün aktual mövzusuna çevrilən pirlərə, ziyarətgahlara kimlər nəzarət edir?

Din.az-ın xəbərinə əsasən, bu barədə Qafqaz Müsəlman İdarəsinin sədr müavini Qəmər Cavadlı bildirib ki, ziyarətgahlar 2 cür olur.

“Bura dövlət qeydiyyatında olan ziyarətgahlar və şəxsi ziyarətgahlar daxildir. Şəxsi ziyarətahlara nəzarəti bilmirəm, amma dövlət qeydiyyatında olan ziyarətgahlara Dini Qurumlarla İş üzrə Dövlət Komitəsi nəzarət edir”.

O, pirlərə qarşı neqativ münasibətin çox ucuz söhbət olduğunu da deyib.

“Nə qədər ki, ora gedib-gələn var, əslində ziyarətgahları qınamaq olmaz. Bu gün pirlərə və ziyarətgahlara inam bir daha göstərir ki, cəmiyyətimizin doğrudan da dini təhsilə ehtiyacı var”.

Qeyd edək ki, sosial şəbəkələrdə Goranboyun Qurbanzadə kəndindəki Seyid Miribiş ağa pirində çəkilən görüntülər müzakirələrə səbəb olub.

Müzakirələrin səbəbi isə insanların nicat tapmaq üçün gəldiyi pirdə başlarına hansısa geyim əşyasının sürtülməsidir. Əvvəlcə iddialarda həmin geym əşyasının qaloş olduğu bildirilirdi. Guya, insanların mədət umduğu həmin qaloşu vaxtilə burada yaşamış Seyid Miribiş ağa geyinib.

Amma Goranboy rayon İcra Hakimiyyətinin Qurbanzadə kənd icra nümayəndəsi Mehman İbrahimov iddianı təkzib edib. O, insanların başına çəkilən əşyanın qaloş deyil, papaq olduğunu söyləyib. Miribiş ağanın nəvələri də həmin əşyanın seyidin papağı olduğunu bəyan edib. / Modern.az

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Din.Az - yaradandan yaradılana...