Uca Allah Buyurur:

Onlara: «Allahın endirdiyinə tabe olun» deyilsə, «Xeyr! Biz atalarımızı hansı yolda görmüşüksə, ona tabe olacağıq!» deyirlər. Bəs ataları ağıllarını bir şeyə işlətməmiş və düz yola da daxil olmamışdılarsa, yenə tabe olacaqlar?

Bəqərə surəsi, 170

Azərbaycan dini etiqadın ən aşağı olduğu ölkələr sırasında – REYTİNQ

Dini etiqad səviyyəsinin ən aşağı olduğu ölkələr…

Britaniyanın “Telegraph” qəzeti dini etiqad səviyyəsinə görə dünyanın müxtəlif ölkələrinin xəritəsini hazırlayıb.

Aparılan sorğunun nəticələrinə görə, Azərbaycan dini etiqadın ən aşağı olduğu ölkələr sırasına düşərək, 13-cü yerdə qərarlaşıb.

Sorğuda iştirak edən azərbaycanlıların yalnız 34% -i həqiqətən özlərini dindar hesab etdiklərini bildirib.

Xəritə WIN/Gallup International-ın 2008, 2009 və 2015-ci illərdə keçirdiyi sorğulardan toplanan məlumatlar əsasında tərtib olunub.

Hər bir respondent özünü dindar hesab edib-etmədiyi ilə bağlı sual qısaca “hə” və ya “yox” cavabı verməli olub.

Xəritəyə görə, dini etiqadın ən yüksək səviyyədə olduğu regional Afrika və Yaxın Şərqdir. Daha sonra Cənub-Şərqi Asiya və Latın Amerikası bölgəsi gəlir.

Birinci yerdə Efiopiya gəlir – adı çəkilən Afrika ölkəsində həm müsəlman həm də xristianlardan ibarət olan dindarlar əhalinin 99% -ni təşkil edir. Oxşar göstəricilər Malavi, Niger, Şri-Lanka və Yəməndə qeydə alınıb. Somalidə dindarlar 98%, Əfqanıstanda isə 97% təşkil edir.

Qərbi, Şimali və Mərkəzi Avropada ümumi götürdükdə ateizm üstünlük təşkil etsə də, bu cür fonda Polşanın 86% etiqad səviyyəsi ilə seçilməsi maraq doğurur.

Din bir çox cənubi Avropa ölkələri üçün də böyük önəm kəsb edir. İtalyanların 74 faizi, yunanların isə 71 faizi özlərini dindar hesab edir.

Digər tərəfdən, dini etiqad səviyyəsinin ən aşağı olduğu ölkələr arasında Yaponiya (13%)

Estoniya (16%), İsveç (19%), Norveç (21%) və Çexiya (23%) sadalamaq olar, Çin isə 7% faizli göstərici ilə hər birini üstələyir.

Rusiyada əhalinin 70 faizi özünü dindar hesab edir. Ukraynada bu göstərici 73%-ə yaxındır, qonşu Belarusda isə fərq birdən birə kəskin dəyişir, – 34 % təşkil edir. Maraq üçün deyək ki, ABŞ-da dini etiqad səviyyəsi 56 faizdir. / Moderator.az

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Din.Az - yaradandan yaradılana...