Uca Allah Buyurur:

Bəndəmizə (Muhəmmədə) hissə-hissə göndərdiyimizdən şübhəniz varsa, Allah ilə aranıza qoyduğunuz ulu adamlarınıza da yalvararaq ondakına bənzər bir surə gətirin! İddianızda haqlısınızsa, edərsiniz!

Bəqərə surəsi, 23

Azərbaycan dinlərarası dialoq layihəsini böyük müvəffəqiyyətlə həyata keçirir – Albir Krqanov

“Etiqadın və dinin əsaslarını vətəndaşlarımıza izah etməliyik”.

Azərbaycan bir neçə ildir dinlərarası dialoq layihəsini böyük müvəffəqiyyətlə həyata keçirir. Bu layihə həm unikal, həm də faydalıdır.

Din.az bildirir ki, bu sözləri Madriddə keçirilən “Dinlərarası dialoqun sülhə və qarşılıqlı anlaşmaya töhfəsi” mövzusunda beynəlxalq konfransda Rusiya Müsəlmanları Ruhani Məclisinin müftisi, RF İctimai Palatasının üzvü Albir Krqanov müsahibəsində söyləyib.

O deyib ki, hazırda əsas etibarilə dini rəmzlərlə müşayiət olunan yeni çağırışları və yeni təhdidləri müşahidə etdiyimiz bir vaxtda etiqadın və dinin əsaslarını vətəndaşlarımıza izah etməliyik.

A.Krqanov diqqətə çatdırıb ki, sovet dövründə bu cür tədbirlər partiyanın tapşırığı ilə keçirilirdi. Amma bu gün Azərbaycanın bu sahədə gördüyü işləri ictimai qurumların, dini təşkilatların hakimiyyət orqanları tərəfindən dəstəklənən təşəbbüsü adlandırardım.

Rusiya Müsəlmanları Ruhani Məclisinin müftisi deyib: “Bu tədbir Azərbaycanın müxtəlif dövlətlərdə keçirdiyi tədbirlərdə mənim heç də ilk iştirakım deyildir. Mən hər dəfə müasir problemlərin sosial zəmində həlli üçün məkan olan bu cür tədbirlərə böyük marağın şahidi oluram.

Belə tədbirlərin təşkili dövlətin dayanıqlı inkişafının göstəricisidir. Dövlət nə qədər dinamik inkişaf edirsə, bir o qədər çox dialoq qurur, müxtəlif mədəniyyətlərlə, dinlərlə ünsiyyətə girməkdən çəkinmir. Bu, sivilizasiyalararası dialoqdur. Bu gün beynəlxalq konfransda da söhbət bu barədə gedib. Bu da Azərbaycan hakimiyyətinin kamilliyini təsdiq edir”.//AzərTac

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Din.Az - yaradandan yaradılana...