Uca Allah Buyurur:

Onlara: «Allahın endirdiyinə tabe olun» deyilsə, «Xeyr! Biz atalarımızı hansı yolda görmüşüksə, ona tabe olacağıq!» deyirlər. Bəs ataları ağıllarını bir şeyə işlətməmiş və düz yola da daxil olmamışdılarsa, yenə tabe olacaqlar?

Bəqərə surəsi, 170

Azərbaycan icmasının tanınmış üzvü Əli Evsen İspaniyada iftar süfrəsi açdı – Foto

“Bu iftar süfrəsi İspaniya-Azərbaycan dostluğunun bir nümunəsidir”.

İspaniyanın Madrid şəhərində Azərbaycan icmasının tanınmış üzvü Əli Evsen tərəfindən iftar süfrəsi təşkil edilib.

Din.az Axar.az-a istinadən xəbər verir ki, iftar süfrəsində İspaniya Konstitusiya Məhkəməsinin sədri Xuan Xose Qonzalez Rivas, Kralın Protokol Xidmətinin rəhbəri Alfredo Martinez Serrano, Madrid kardinalı Karlos Osoro Sierra, sabiq Daxili İşlər naziri Xorxe Fernandez Diaz, Dini Hərbi Tribunal rəhbəri Xuan del Rio, İspaniya Müsəlman İcmasının rəhbəri Riay Tatari, Ortodoks Kilsəsinin nümayəndəsi Metropolit Polikarpo, Baş prokuror Javier Zaragosa, “La Razon” qəzetinin rəhbəri Fransisko Maruhen¬da, Türk-İspan Ticarət Palatasının nümayəndəsi Yasemin Korukçu, Türk Hava Yollarının İspaniya nümayəndəliyinin rəhbəri Nüman Çizmeçioğlu, Ali Məhkəmənin hakimi Xavyer Borrego, İspaniya və Türkiyə televiziyalarının çəkiliş qrupları, diplomatik korpus nümayəndələri, iş adamları, tanınmış ictimai-siyasi xadimlər iştirak ediblər.

Ümumilikdə 200 nəfərdən çox tanınmış şəxsin iştirak etdiyi iftar süfrəsində Azərbaycan Respublikasının Diasporla İş üzrə Dövlət Komitəsinin sədri Fuad Muradov qonaqları salamlayaraq, Azərbaycan haqqında ümumi məlumat verib, tədbirin İspaniya-Azərbaycan dostluğunun bir nümunəsi olduğunu qeyd edib və qonaqlara Azərbaycan həqiqətləri barədə danışıb.

Qeyd edək ki, tanınmış iş adamı Ə.Evsen Bütün Qafqazın şeyxi Allahşükür Paşazadənin qudasıdır.

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Din.Az - yaradandan yaradılana...