Uca Allah oruc haqqında buyurub::

“Ey iman gətirənlər! Sizdən əvvəlkilərə fərz qılındığı kimi oruc tutmaq sizə də fərz qılındı ki, bununla qorunasınız”.

“Bəqərə” surəsi, 2/183

Azərbaycanda ilk xristian kilsələri albanlar tərəfindən inşa edilib

Qafqaz Albaniyasında ilk kilsələr Kiş kəndində yaradılıb

Ermənilər Azərbaycan ərazisində xristianlığın yayılmasında guya onların rolunun olması ilə bağlı əsassız iddialar irəli sürsələr də, sübut olunub ki, burada xristianlıq alban tarixi ilə bağlıdır. İlk xristian kilsələri məhz albanlar tərəfindən inşa edilib.

“Din.az” xəbər verir ki, bu sözləri Qəbələdə keçirilən “Alban Apostol kilsəsinin keçmişi və bu günü” mövzusunda beynəlxalq konfransda iştirak edən Norveçin Oslo Dövlət Universitetinin professoru, tarix elmləri doktor, albanşünas alim Byorn Veqqe AZƏRTAC-a müsahibəsində bildirib.

Byorn Veqqe deyib: “Azərbaycanda yaşayan müxtəlif azsaylı xalqların dilinə, dininə, mədəniyyətinə böyük hörmət göstərilir. Azərbaycana səfər etmək mənə hər zaman xoşdur. Dəfələrlə apardığım araşdırmalardan belə nəticəyə gəlirəm ki, Qafqaz Albaniyasında ilk kilsələr Kiş kəndində yaradılıb. Şəki rayonunun Kiş kəndi ərazisində yerləşən Alban Apastol kilsəsi Qafqazda, eləcə də bütün xristian dünyasında ən qədim kilsələrdəndir. Albaniyada xristianlığın yayılması, ilk kilsəsinin yaradılması apostolların adı ilə bağlıdır. Bununla bağlı hətta 609-cu ildə Abram adlı keşişin məktubunda da göstərilir ki, Qafqaz Albaniyası ərazisində xristianlıq yayılır və burada bir din kimi mütəşəkkil tapır. Ermənilər Azərbaycan ərazisində xristianlığın yayılmasında guya onların rolunun olması ilə bağlı əsassız iddialar irəli sürsələr də sübut olunub ki, burada xristianlıq alban tarixi ilə bağlıdır. İlk xristian kilsələri məhz albanlar tərəfindən inşa edilib”.

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Din.Az - yaradandan yaradılana...