Bəqərə surəsi, 6-cı ayə

(Ya Rəsulum!) Həqiqətən, kafirləri əzabla qorxutsan da, qorxutmasan da, onlar üçün birdir, iman gətirməzlər.

Azərbaycanın məşhur məktəbində hicab qalmaqalı: Başlarını açsınlar, yoxsa…

Share Button

Xəzər unuversitetinin “Dünya Məktəbi”ndə iki şagird hicab bağladığı üçün bu ayın 14-dən dərslərə buraxılmayacaqlar. “Din.az” xəbər verir ki, bu barədə A24.Az-ın redaksiyasına həmin şagirdlərin valideynləri Sənan Təhməzov və Valid Nadirov məlumat veriblər. Bildiriblər ki, onların övladları Ayşə Nadirova və Əsmər Ümidzadə qeyd edilən məktəbin şagirdləridir və qızların geyimləri məktəbin vahid məktəbli geyim formasını pozmur: “Onlar məktəbin qoyduğu […]

Xəzər unuversitetinin “Dünya Məktəbi”ndə iki şagird hicab bağladığı üçün bu ayın 14-dən dərslərə buraxılmayacaqlar.

“Din.az” xəbər verir ki, bu barədə A24.Az-ın redaksiyasına həmin şagirdlərin valideynləri Sənan Təhməzov və Valid Nadirov məlumat veriblər. Bildiriblər ki, onların övladları Ayşə Nadirova və Əsmər Ümidzadə qeyd edilən məktəbin şagirdləridir və qızların geyimləri məktəbin vahid məktəbli geyim formasını pozmur:

“Onlar məktəbin qoyduğu qaydağa uyğun olaraq bütün geyim tələblərinə riayət edirlər. Sadəcə başlarına hicab bağlayırlar ki, bu da, onların seçimi, dini inanclarıdır. Biz onların bu seçiminin qarşısını ala bilmərik. Artıq onlar özləri bu seçimi edə biləcək yaşdadırlar. Belə demək olarsa, onlar artıq “Quran”ın qaydalarına riayət edəcək yaşdadırlar. Biz tərəfdən onlara nə bir dəvət, nə də bir məcburiyyət tətbiq edilməyib”.

%d1%81%d0%bd%d0%b8%d0%bc%d0%be%d0%ba-11

Valideynlər onu da bildiriblər ki, məsələ ilə bağlı təhsil müəsisəsinin rəhbərliyinə müraciət etsələr də, yox cavabı alıblar:

“Biz, əvvəlcədən məktəbin rəhbəri Maarifə xanıma, direktorun tərbiyə işləri üzrə müavini Çiçək Qaracayevaya məsələ barədə məlumat vermişik. Onlar bizə bildirdilər ki, məktəbin sahibi Nailə xanım buna icazə vermir. Biz isə, qanunvericilikdə hicaba heç bir qadağa olmadığını bildirdik. Ölkə başçısı Rusiya kanallarından birinə verdiyi müsahibəsində də, Azərbaycanda hicaba heç bir qadağa olmadığı bildirib. Biz bunların hamısını onlara bildirmişik. Konsitutisiyada da, buna heç bir qadağa yoxdur. Məsələ ilə bağlı Təhsil Nazirliyinin “qaynar xətti”nə və qəbul şöbəsinə də müraciətimiz olub. Nazirliyin əməkdaşı Səidə xanım bizdən hicabın “məktəbin geyim formasını pozub-pozmadığını” soruşdu. Biz isə geyim qaydasının pozulmadığını bildirdik. Dedi ki, əgər şagirdlər əba geyinmir, məktəbin vahid məktəbli formasını geyinirlərsə, sadəcə başlarını örtürlərsə, burada heç bir problem yoxdur. Ancaq məktəbdən bizə şagirdlərin dərsə buraxılmayacaqlarını deyirlər”.

Şikayətçilər onu da əlavə etdilər ki, “Dünya Məktəbi”ndən qızların məktəbə hicabla gələ biləcəklərini, lakin təhsil ocağında həmin baş geymini çıxarmalı olduqlarını bildiriblər. Biz isə, buna qarşı çıxdıq, onlardan şagirdləri hicaba görə dərsə buraxmamaları ilə bağlı rəsmi sənəd tələb etdik. Bizə bir müddət cavab verilmədi. Lakin ötən gün qadağa ilə bağlı üzərində heç bir imza olmayan bir məktub göndərilib. Bizim uşaqlarımız təhsil almaq hüququndan niyə məhrum edilməlidirlər ki? Xəzər Universitetinin və hətta “Dünya Məktəbi”nin özündə başı bağlı müəllimlər də var, tələbələr də. Məktəbin sahibi sadəcə şagirdlərə icazə vermir. Onlar bizə onu da bildirdilər ki, şagirdləri məktəbdən çıxarın, ödənilmiş təhsil haqqının keçilməyəcək dərsə görə olan hissəsini sizə qaytararıq!. Bizə özəl məktəb olduqlarını, bunun daxili qanunlar çərçivəsində qadağan edildiyini bildirirlər”.

%d1%81%d0%bd%d0%b8%d0%bc%d0%be%d0%ba-12

Məsələ ilə bağlı A24.Az-a açıqlama verən hüquqşünas Tahir Əlirzayev bildirdi ki, Azərbaycanda “təhsil haqqında qanun”da şagirdin hicabla,  yaxud hicabsız dərsə gəlməsi ilə bağlı heç bir norma yoxdur. Onun sözlərinə görə, ola bilər ki bu, həmin təhsil müəsisəsinin daxili nizamnaməsində öz əksini tapıb:

14355577_310688685956682_4556133411858750506_n-768x431“Əgər həmin nizamnamə təsdiq edilibsə, ola bilər ki, bu müddəa həmin nizamnamədə öz əksini tapıb. Ancaq bu hal həmin təhsil müəsisəsinin şagirdin valideyni ilə bağladığı “valideynin hüquqi öhdəlik və vəzifələri” müqaviləsində öz əksini tapmayıbsa, həmin müəsisənin belə bir qadağa qoyması qanunsuzdur, özbaşınalıqdır. Müqavilədə “şagirdin məktəbə hicabda gəlməsi qadağan edilsin!” müddəası yoxdursa, bu həmin şagirdlərə qarşı edilmiş bir qanunsuzluqdur. Mən inanmıram ki, belə bir hal hansısa nizamnamədə öz əksini tapa bilər. Bu hal, insan hüquqlarının pozulması kimi də qiymətləndirilə bilər. Nizamnaməni qeydiyyata alan orqan inanmıram ki, həmin nizamnaməni belə bir vəziyyətdə təsdiqləsin. Ölkəmizdə din və vicdan azadlığı var. Bu, konsitutsiya ilə tənzimlənir. Bunu heç kim məhdudlaşdıra bilməz”.

Direktorun tərbiyə işləri üzrə müavini Çiçək Qaracayevaya isə redaksiyamıza açıqlamasında bunun məktəbin daxili qərarı olduğunu bildirdi.

“Bu məktəbin pedeqoji şurasının verdiyi bir qərardır. Biz, hicab məsələsi ilə bağlı Təhsil Nazirliyinə müraciət etmişdik. Bildirdilər ki, məktəbin daxili şuransının belə bir qərarı ola bilər. Biz qərar vermişik ki, bütün şagirdlər eyni formada məktəbə gəlməlidirlər. Bu, təhsil haqqında qanunda da, öz əksini tapıb. Biz, burada qanundan kənara çıxan bir şey etmirik və bütün şagirdlərin eyni formada məktəbə gəlməsini istəyirik. Bununla şagirdin təhsil almaq hüququnu qətiyyən məhdudlaşdırmırıq. Qanunda şagirdin heç hicabla orta məktəbə gəlməsi barədə müddəa da yoxdur axı. Əgər elədirsə, qanunvericilikdə şagirdin məktəbə hicabla gələ biləcəyi yazılsın! Həmin vaxt bizim qadağa qoymaq hüququmuz olmaz”.

Mövzu ilə bağlı şagirdlərin valideynlərinin müraciət etdiyi Təhsil Nazirliyinin mətbuat xidmtindən isə A24.Az-a bildirdilər ki, məsələ araşdırılacaq. Yalnız bundan sonra hər hansı bir açıqlama vermək olar.

MÜZAKİRƏ

5 şərh Azərbaycanın məşhur məktəbində hicab qalmaqalı: Başlarını açsınlar, yoxsa… üçün

  1. ramazan dedi:

    bes tolerantliq haradadir

  2. ramazan dedi:

    demeli resmiler yalan danishir?

  3. rifat dedi:

    Salamaleykum, hicaba qadağa qoyanlar əgər Quranın Allah tərəfindən göndərilən kitab olduğuna inanırsa, onda Quranda olan Nur surəsinin 31-ci ayəsini oxusunlar, “Mömin qadınlara da de ki, (harama baxmayıb) gözlərini aşağı diksinlər və cinsiyyət üzvlərini (zinadan) qorusunlar. Qoy onlar – görünənlər istisna olmaqla, zinətlərini (naməhrəmə) göstərməsinlər; örtüklərini yaxalarının üstünə salsınlar; zinətlərini ərlərindən, yaxud atalarından, yaxud ərlərinin atalarından, yaxud öz oğullarından, yaxud ərlərinin oğullarından, yaxud qardaşlarından, yaxud qardaşlarının oğullarından, yaxud bacılarının oğullarından, yaxud öz (müsəlman) qadınlarından, yaxud sahib olduqları kölələrdən, yaxud ehtirasını itirən kişi xidmətçilərdən, yaxud qadınların çılpaqlığını hələ anlamayan uşaqlardan başqasına göstərməsinlər; gizlətdikləri zinət əşyaları bilinsin deyə ayaqlarını (yerə) vura-vura yeriməsinlər. Ey iman gətirənlər! Hamınız Allaha tövbə edin ki, bəlkə nicat tapasınız.”

  4. Elman dedi:

    Əslinə qalsa belə məktəblərdə oxumaqdansa heç oxummaq ondan yaxşıdır.

  5. Qafar dedi:

    uyğun olmayan geyim hicabdır? Allahın əmr etdiyi geyimə bunlar uyğun deyildir deyir. inanın ki, uyğun olmayan sizsiz. bəli, o tuttuğunuz vəzifəyə uyğun deyilsiz. heç uyğun deyilsiz.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir