Uca Allah Buyurur:

İnsanlara yaxşı olmağı əmr edib özünüzü yaddan çıxarırsınız, eləmi? Bir də Kitabı oxuyursunuz. Heç ağlınızı işlədirsiniz?

Bəqərə surəsi, 44

Azərbaycanlı xanım türk şəhidlər üçün ehsan verdi

“Hərbçilərimizi çox sevirəm. Çətinə, dara düşəndə həmişə yanımda oldular”.

Türkiyənin Balıkesir əyalətinin Ayvanlık rayonunun Altınova məhəlləsində dönərxanada işləyən 55 yaşlı azərbaycanlı Sevda Orucova Afrində “Zeytun budağı” antiterror əməliyyatında şəhid olan Türkiyə hərbçilərinin ruhuna Cümə namazından əvvəl ehsan verib.

Din.az Report-a istinadən bildirir ki, Sevda Orucova 26 ildir Altınovada yaşayır.

Hacı Bayram Vəli Məscidinin imamı İbrahim Adıgözəl, Orta Məscidin imamı Hicabi Sarıgül və müəzzin Üzeyir Çelik şəhidlərin ruhuna “Yasin” oxuyub. Namazdan əvvəl camaata ehsan verilib.

“Mən Azərbaycandan gələndən müxtəlif yerlərdə işləmişəm. Sonra kafe açdım. 3 il sonra onu bağladım. Hazırda Altınovadakı qonşumuz Hasan Erkişinin dönərxanasında işləyirəm. Hərbçilərimizi çox sevirəm. Çətinə, dara düşəndə həmişə yanımda oldular. Altınova camaatı məni heç vaxt özünə yad bilməyiblər. Özlərindən bir sayırlar. Bütün şəhidlərimizə Allahdan rəhmət eləsin, ailələrinə səbr versin. Allah dövlətimizə və hərbçilərimizə güc versin”, – Sevda Orucova bildirib.

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Din.Az - yaradandan yaradılana...