Uca Allah Buyurur:

Bəndəmizə (Muhəmmədə) hissə-hissə göndərdiyimizdən şübhəniz varsa, Allah ilə aranıza qoyduğunuz ulu adamlarınıza da yalvararaq ondakına bənzər bir surə gətirin! İddianızda haqlısınızsa, edərsiniz!

Bəqərə surəsi, 23

BƏƏ-də insanların qardaşlığı barədə sənədin icrası məqsədilə Ali Komitə yaradılır

“İnsanların qardaşlığı barədə deklarasiya” icra olunacaq.

Roma Papası Fransisk ilə “Əl-Əzhar” İslam Universitetinin baş imamı Şeyx Əhməd Al-Tayib arasında BƏƏ-nin paytaxtında bu ilin fevralında imzalanmış “İnsanların qardaşlığı barədə deklarasiya”nın icrası üçün Əbu-Dabidə Ali Komitə yaradılır.

Din.az bildirir ki, insanların qardaşlığı barədə sənəddə əks olunan məqsədlərin həyata keçirilməsini təmin edən və onun strukturunun hazırlanmasına cavabdeh olacaq komitəyə Birləşmiş Ərəb Əmirlikləri, Misir, İspaniya və İtaliyadan üzvlər daxil olacaq.

Yeni komitə sənədin məqsədlərinə çatmaq istiqamətində plan hazırlayacaq və onun həyata keçirilməsinə nəzarət edəcək. Sənəddə öz əksini tapan mesajların geniş yayılması və dəstəklənməsi məqsədilə dini liderlərlə və beynəlxalq təşkilatların rəhbərləri ilə görüşlərin keçirilməsi nəzərdə tutulur. Bu qurum, həmçinin qarşılıqlı razılıq əsasında yeni üzvlər cəlb etmək imkanına malikdir.

Xatırladaq ki, 2019-cu ilin fevralın 6-da Əbu-Dabidə “Əl-Əzhar” İslam Universitetinin baş imamı Şeyx Əhməd Al-Tayib və Roma Papası Fransisk “İnsanların qardaşlığı” mövzusunda keçirilən beynəlxalq konfransın yekunlarına dair birgə sənəd imzalayıb. Sənəddə tolerantlıq mədəniyyətinin yayılması, sülh, qarşılıqlı anlaşma, terrorizm və ekstremizmə qarşı mübarizə çağırışları yer alıb. Bu sənədin imzalanması Vatikanla Əl-Əzhar, habelə müsəlmanlarla xristianlar arasında münasibətlərin tarixində ən mühüm addımlardan biri sayılır.

Əbu-Dabinin vəliəhdi və BƏƏ-nin silahlı qüvvələrinin baş komandanın müavini Şeyx Məhəmməd bin Zaed Al Nahayan bildirib ki, onun ölkəsi sülhə xidmət edən, qardaşlıq prinsiplərinin və xalqların sülh şəraitində birgə yaşamaları üçün göstərilən bütün səyləri dəstəkləyir. / Milli.Az

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Din.Az - yaradandan yaradılana...