Uca Allah Buyurur:

Onlara: «Allahın endirdiyinə tabe olun» deyilsə, «Xeyr! Biz atalarımızı hansı yolda görmüşüksə, ona tabe olacağıq!» deyirlər. Bəs ataları ağıllarını bir şeyə işlətməmiş və düz yola da daxil olmamışdılarsa, yenə tabe olacaqlar?

Bəqərə surəsi, 170

BMT: Yəməndə çox sayda insan ölüm təhlükəsi ilə üz-üzədir

Yəməndə dünyanın ən böyük humanitar böhranlarından biri yaşanır.

BMT-nin Yəmən üzrə koordinatoru Liiz Qrande Yəməndə yaşanan humanitar böhran barədə danışıb.

Din.az xəbər verir ki, təşkilatın rəsmi internet səhifəsində yerləşdirilən açıqlamada bildirilir:

“Yəməndə dünyanın ən böyük humanitar böhranlarından biri yaşanır. Çox sayda insan ölümlə üz-üzədir. Yəmən rialının sürətlə dəyər itirməsi qida məhsullarının qiymətlərində artıma səbəb olur. Proses davam etsə, 3,5-4 milyon insan aclıqla üz-üzə qalacaq. Ölkənin 75%-i, yəni 22 milyondan çox insan humanitar yardıma möhtacdır. BMT 8 milyon insana humanitar yardım göstərə bilir. Təmiz su, qida, dərman, tibbi xidmət sahəsindəki problemlər insanlar arasında epidemiyaların sürətlə artmasına səbəb olur”.

Qeyd edək ki, Yəməndə 2014-cü ildən bəri vətəndaş müharibəsi hökm sürür. Səudiyyə Ərəbistanının dəstək verdiyi hökümət qüvvələri və İranın dəstəklədiyi Husilər arasında müharibə artıq 4 ildir davam edir.

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Din.Az - yaradandan yaradılana...