Uca Allah Buyurur:

Onlara: «Allahın endirdiyinə tabe olun» deyilsə, «Xeyr! Biz atalarımızı hansı yolda görmüşüksə, ona tabe olacağıq!» deyirlər. Bəs ataları ağıllarını bir şeyə işlətməmiş və düz yola da daxil olmamışdılarsa, yenə tabe olacaqlar?

Bəqərə surəsi, 170

Bu ölkədə SÜNNƏTƏ QADAĞA qoyuldu

İddia: “Sünnət oğlan uşaqlarının hüquqlarını pozur”.

Bu ölkədə sünnət qadağan edilir.

Din.az xəbər verir ki, İslandiya kişilərə sünnəti qadağan edən ilk Avropa ölkəsi olmağa hazırlaşır. İslandiya parlamentinə təqdim edilən və sünnəti qadağan edən bu qanun layihəsini pozan şəxsə 6 il həbs cəzası nəzərdə tutulub.

Buna tək istisna olaraq isə “sadəcə tibbi zərurət yarandığı hallarda” icazə verilib.

İslandiyada sünnəti qadağan edən qanununda “Sünnətin oğlan uşaqlarının hüquqlarının pozulduğu və Birləşmiş Millətlər Təşkilatının Uşaq Hüquqları müqaviləsinə zidd olduğu” deyilib. Layihə bir çox Avropa ölkəsində hazırda qadağan edilmiş olan qadın sünnətinə bənzədilib.

Qanunda həmçinin sünnətin əksəriyyətlə steril olmayan ev mühitlərində və tibbi təhsil görməmiş dini liderlər tərəfindən edildiyi də yazılıraq sünnətin uşaqlarda infeksiya, travma və bəzi hallarda ölümə səbəb ola biləcəyi bildirilib.
İslandiya qanununda həmçinin “valideynlərin uşaqların dininə rəhbərlik etməsi qəbul edilsə də, valideynlər heç bir zaman uşağın hüquqlarını poza bilməz” yazılıb.

Qanunda dini və ya mədəni səbəblərlə sünnət olmaq istəyən kişilərin yetkinlik yaşına çatdıqdan sonra sünnət olmağa qərar verə bilmələri də nəzərdə tutulub.

Din.az Xezerxeber-e istinadən mövzu ilə bağlı videoçarxı təqdim edir:

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Din.Az - yaradandan yaradılana...