Uca Allah Buyurur:

Bəndəmizə (Muhəmmədə) hissə-hissə göndərdiyimizdən şübhəniz varsa, Allah ilə aranıza qoyduğunuz ulu adamlarınıza da yalvararaq ondakına bənzər bir surə gətirin! İddianızda haqlısınızsa, edərsiniz!

Bəqərə surəsi, 23

Çexiyadan qalmaqal yaradacaq “Müsəlman” açıqlaması

Müsəlmanların ölkəyə buraxılmasını istəmir…

Çexiya prezidenti Miloş Zeman müsəlman ölkələrdən gələn miqrantların Çex Respublikasına qəbul edilməməsini irəli sürüb.

Prezidentin sözçüsü Jiri Ovcacek müxbirlərə verdiyi açıqlamada, prezident Miloş Zemanın müsəlman ölkələrdən gələn miqrantların ölkəyə qəbul edilməsinin təhlükəli və terror təhdidi mənasına gəldiyini bildirib.

Zemanın sığınmacı qəbul edilməsinə dair fikrinə qəti şəkildə qarşı çıxdığını bildirən Ovcacek “Fransa və ya Almaniyada yaşananlara bənzər şəkildə terror hadisələrinin ölkəmizdə də olmasına izin verə bilmərik. Miqrantların qəbul edilməsi Çexiya Respublikasında barbar hücumların təşkil olunmasına zəmin yaradar” deyə qeyd edib.

Hökumətin daha əvvəl İtaliya və Yunanıstandan 2 min 691, Türkiyədən isə 80 miqrant qəbul edəcəyinə söz verdiyini xatırladan Ovcacek, “Prezident hökumətin verdiyi sözü nəzərdən keçirməsini tələb edəcək. Zemana görə Çexiya Respublikası daha çox miqrant qəbul etməməlidir” deyib.

Xatırladaq ki, bundan əvvəl Çexiya prezidenti Zeman, Müsəlmanların Avropa cəmiyyətinə inteqrasiya ola bilməyəcəyini irəli sürmüşdü.

MÜZAKİRƏ

Bir Cevap Yazın

E-posta hesabınız yayımlanmayacak. Gerekli alanlar * ile işaretlenmişlerdir

Din.Az - yaradandan yaradılana...