Uca Allah oruc haqqında buyurub::

“Ey iman gətirənlər! Sizdən əvvəlkilərə fərz qılındığı kimi oruc tutmaq sizə də fərz qılındı ki, bununla qorunasınız”.

“Bəqərə” surəsi, 2/183

Çində uyğur və qazax uşaqları məcburən internata göndərirlər

Etnik uyğur və qazaxların uşaqları internat-məktəblərə göndərilir.

Çinin Sincan-Uyğur Muxtar Bölgəsində valideynləri “siyasi yenidən tərbiyələndirmə düşərgələri” və “texniki hazırlıq” adlandırılan ideoloji düşərgələrdə saxlanılan etnik uyğur və qazaxların uşaqlarını internat-məktəblərə göndərirlər.

Din.az xəbər verir ki, bu barədə İtaliyada çıxan “Bitter Winter” jurnalı material yayıb.

Məqalə Çində dini və insan hüquqlarına həsr edilib. Uşaqlar “Ayşin” (“Sevən ürək”) adlı bağçaya və məktəbə göndərilir, orada psixoloji cəhətdən təzyiqlərlə üzləşirlər. Orada təhsil yalnız çincə aparılır. Uşaqlar orada güclü mühafizə altında saxlanılır. Onların ətraf aləmə çıxışı məhdudlaşdırılıb. “Ayşin” uşaq bağçası və məktəbi hündür tikanlı məftillə hasara alınıb. Valideynlər uşaqlarla ayda bir dəfə videogörüntülü əlaqə saxlaya bilərlər.

Xatırladaq ki, Mərkəzi Asiya ölkələrinin Çin Xalq Respublikasındakı səfirliklərinin diplomatlarından ibarət heyət Sincan-Uyğur Muxtar Bölgəsi hökumətinin dəvəti ilə əyalətin Urumçi, Kaşqar və Xotan şəhərlərinə səfər ediblər.

Qeyd edək ki, müsəlman uyğur türklərinə qarşı Çin hakimiyyətinin yürütdüyü assimilyasiya siyasəti ilə bağlı çoxsaylı informasiyalar yayılır. Rəsmi Pekin isə bu kimi ittihamları rədd edir. Bu yaxınlarda İndoneziya “siyasi yenidən tərbiyələndirmə düşərgələri” barədə rəsmi Pekinə sorğu göndərmişdi. Çin hakimiyyətinin siyasi-ideoloji düşərgələrdə saxladığı uyğur türklərinin sayı 3 milyona çatıb. Yeri gəlmişkən, Sincan-Uyğur Muxtar Bölgəsində uyğur ailələrini ziyarət etmiş məmur qonaqların sayı açıqlanıb. / Report.az

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Din.Az - yaradandan yaradılana...