Uca Allah Buyurur:

Onlara: «Allahın endirdiyinə tabe olun» deyilsə, «Xeyr! Biz atalarımızı hansı yolda görmüşüksə, ona tabe olacağıq!» deyirlər. Bəs ataları ağıllarını bir şeyə işlətməmiş və düz yola da daxil olmamışdılarsa, yenə tabe olacaqlar?

Bəqərə surəsi, 170

Dünya dini liderlərinin II Bakı Sammiti çərçivəsində I plenar iclas keçirilib

“Heç kimə sirr deyil ki, din terrorçuların əlində alətə çevrilib”.

Dünya dini liderlərinin II Bakı Sammiti çərçivəsində I plenar iclas keçirilib.

Din.az bildirir ki, iclasın moderatoru olan II Bakı Sammitinin Təşkilat Komitəsinin sədri, Azərbaycan Baş Nazirinin müavini Əli Əhmədov bildirib ki, adıçəkilən tədbirin keçirilməsi artıq ənənə halını almaqdadır.

Onun sözlərinə görə, torpaqlarının 20 faizinin qonşu Ermənistan tərəfindən işğal edilməsinə və işğal nəticəsində bir milyondan çox vətəndaşının məcburi köçkünə çevrilməsinə baxmayaraq, Azərbaycan özünün dini, irqi tolerantlıq fəlsəfəsi ilə hər zaman fərqlənib.

Baş Nazirin müavini deyib ki, hazırda dünyada müxtəlif qəbildən olan müharibələrin, qarşıdurmaların sayı artmaqdadır: “Bu vəziyyət dini liderlərin qarşısında yeni vəzifələr qoyur. Hesab edirəm ki, Dünya dini liderlərinin Bakı Sammiti yer üzündə milyonlarla insanı narahat edən problemlərin müzakirə ediləcəyi bir platformaya çevrilir”.

Daha sonra çıxış edən BMT Sivilizasiyalar Alyansının Ali nümayəndəsi Migel Anhel Moratinos bildirib ki, bu gün dini liderlər və dini qurumlar dünyada mühüm rola malikdirlər: “Heç kimə sirr deyil ki, din terrorçuların əlində alətə çevrilib. Bunun üçün də biz dini qurumlarla fəal əməkdaşlıq etməliyik. Dini liderlər münaqişələrin həllində öz sözlərini deməlidirlər. Eyni zamanda dini liderlər sülhün bərqərar edilməsi üçün çağırışlar etməlidirlər”.

Türkiyənin Diyanət İşləri başqanı Ali Erbaş qeyd edib ki, terrorçuluğun din üzərindən təbliğatına qarşı mübarizə aparılmalıdır: “Biz dini liderlər bunun üçün müştərək işlər həyata keçirməliyik”.

Plenar iclas çərçivəsində “Bəşəri çağırış” filmi nümayiş olunub.

Plenar iclas çıxışlarla başa çatıb. / APA

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Din.Az - yaradandan yaradılana...