Uca Allah oruc haqqında buyurub::

“Ey iman gətirənlər! Sizdən əvvəlkilərə fərz qılındığı kimi oruc tutmaq sizə də fərz qılındı ki, bununla qorunasınız”.

“Bəqərə” surəsi, 2/183

ELŞAD MİRİDƏN HİDAYƏTQIZINA İRAD: CİN QALMAQALI – VİDEO

“Qurani-Kərimdə insanın bədəninə cin girməsi ilə bağlı heç bir məlumat yoxdur”.

Xəzər TV-də yayımlanan və Xoşqədəm Baxşəliyevanın apardığı “Səni axtarıram” verilişində efirə gedən görüntülər hər kəsi təəccübləndirib. Belə ki, verilişə müraciət edən ailələrdən biri evlərində cin olduğunu bildirib. Evə quraşdırılan kameralarda bədəninə cin girdiyini deyən qadın qəflətən yerə yıxılaraq sürünməyə başlayıb və hadisə təqribən iki saata yaxın davam edib. Problemin həlli üçün ev sahiblərinə psixoloji yardım göstərilməsinə qərar verilib.

Din.az bildirir ki, məsələ ilə bağlı Kult.az-a danışan ilahiyyatçı Elşad Miri sözügedən görüntülərin gəlir əldə etmək məqsədilə uydurulduğunu deyib:

“Qurani-Kərimdə insanın bədəninə cin girməsi ilə bağlı heç bir məlumat yoxdur. Peyğəmbərin sağlığında kiminsə bədəninə girən cini çıxarması kimi hadisələr baş verməyib. Bu, sonralar bəzi adamların pul qazanmaq məqsədilə istifadə etdikləri uydurulmuş məsələdir.

Təsəvvür edək ki, evə kamera yerləşdirilir və cin gəlib həmin adamın bədəninə daxil olur. Yəni cin o qədər axmaqdır ki, evə yerləşdirilən kameradan xəbərsizdir?! Bütün bunlar biabırçılıqdır, absurddur.

Belə getsə, sabah çıxıb deyəcəklər ki, dünyaya gətirdiyim uşaq hansısa cindəndir və s. Təəssüf ki, hətta islam hüquqşünasları da vaxtilə kitablarında cinlərdən doğulan uşaqlarla bağlı məsələləri gündəmə gətiriblər. Onsuz da belə hadisələrin heç birinin əsası yoxdur. Müəyyən xəstəliklər, şizofreniya ilə bağlı olan məsələləri kiminsə bədəninə cin girməsi və ya çıxarılması kimi təqdim etmək başqa bir peşənin formalaşmasına gətirib çıxarır”.

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Din.Az - yaradandan yaradılana...