Uca Allah Buyurur:

Bəndəmizə (Muhəmmədə) hissə-hissə göndərdiyimizdən şübhəniz varsa, Allah ilə aranıza qoyduğunuz ulu adamlarınıza da yalvararaq ondakına bənzər bir surə gətirin! İddianızda haqlısınızsa, edərsiniz!

Bəqərə surəsi, 23

ElŞAD MİRİYƏ qarşı təxribat: İlahiyyatçının “Facebook” səhifələri oğurlandı

“Elşad Miri”, “Din.az”, “İslamologiya” və “Media Təqib Mərkəzi”nin “Facebook” səhifələri oğurlandı.

Tanınmış ilahiyyatçı Elşad Mirinin sosial şəbəkədəki səhifələri oğurlanıb.

Din.az xəbər verir ki, bu haqda ilahiyyatçı özü məlumat verib. O bildirib ki, təsisçisi olduğu “Elşad Miri”, “Din.az”, “İslamologiya” və “Media Təqib Mərkəzi”nin “Facebook” səhifələri oğurlanıb.

Elşad Mirinin sözlərinə görə, sözügedən səhifələrə hücum edən naməlum şəxslər özlərinə həmin səhifələrdə “admin”lik statusu verdikdən sonra ilahiyyatçını səhifənin idarəçiliyindən çıxarıblar.

Həmin əməli törədən şəxslər eyni zamanda onu dövlət əlehinə məlumatlar paylaşan bir neçə səhifədə “admin” ediblər.

Elşad Miri bildirib ki, baş verənlər ona qarşı düşünülmüş təxribatdır. İlahiyyatçı bütün bunların son zamanlarda çox geniş müzakirələrə və sərt reaksiyalara səbəb olan çıxışlarına görə qurulmuş bir oyun olduğunu qeyd edib.

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Din.Az - yaradandan yaradılana...