Uca Allah oruc haqqında buyurub::

“Ey iman gətirənlər! Sizdən əvvəlkilərə fərz qılındığı kimi oruc tutmaq sizə də fərz qılındı ki, bununla qorunasınız”.

“Bəqərə” surəsi, 2/183

Ərdoğan: “Ər-Riyad Camal Qaşıqçının qatilinin adını bilir”

Ərdoğan: “Onları hardasa başqa yerdə axtarmağa dəyməz”.

Səudiyyəli jurnalist Camal Qaşıqçının qatilləri Səudiyyə Ərəbistanında həbs olunan 18 nəfər arasındadır. Onları hardasa başqa yerdə axtarmağa dəyməz.

Din.az Report-a istinadən bildirir ki, bu sözləri Türkiyə prezidenti Rəcəb Tayyib Ərdoğan Ankarada Parisə yola düşməzdən əvvəl keçirdiyi brifinqdə bildirib.

Türkiyə lideri, həmçinin əmin olduğunu bildirib ki, Səudiyyə Ərəbistanının hakimiyyəti Qaşıqçının qatilinin və ya qatillərinin adlarını bilir.

“Cinayətkarlar qətldən bir gün əvvəl Səudiyyə Ərəbistanının İstanbuldakı Baş Konsulluğuna gələn 18 nəfər arasındadır. Əminəm ki, bu şəxslərin dindirilməsi həqiqəti üzə çıxaracaq”, – prezident vurğulayıb.

Tanınmış səudiyyəli jurnalist, “Washington Post”un əməkdaşı Camal Qaşıqçı oktyabrın 2-də Səudiyyə Ərəbistanının İstanbuldakı Baş Konsulluğunun binasında qətlə yetirilib. Türkiyənin Baş Prokurorluğu istintaqın yekunlarına əsasən belə qənaətə gəlib ki, jurnalist planlaşdırılmış qətlin qurbanı olub

Qaşıqçı diplomatik missiyanın binasına girəndən dərhal sonra boğulub. Qatillər daha sonra jurnalistin cəsədini parçalayıblar.

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Din.Az - yaradandan yaradılana...