Uca Allah Buyurur:

Bəndəmizə (Muhəmmədə) hissə-hissə göndərdiyimizdən şübhəniz varsa, Allah ilə aranıza qoyduğunuz ulu adamlarınıza da yalvararaq ondakına bənzər bir surə gətirin! İddianızda haqlısınızsa, edərsiniz!

Bəqərə surəsi, 23

Ermənilər Türkiyəyə qarşı aksiyaya hazırlaşır – Tehranda

Ermənilərin Türkiyə əleyhinə yığıncağı azərbaycanlı fəalları hərəkətə gətirib.

Ermənilərin aprelin 24-də Tehranda Türkiyə əleyhinə keçirilməsi gözlənilən yığıncağı azərbaycanlı fəalları hərəkətə gətirib.

Din.az Teleqraf.com-a istinadən xəbər verir ki, fəallar bu məqsədlə imzatoplama kampaniyası keçirərək planlaşdırılan yığıncağın icazəsinin ləğv olunmasını tələb edir.

Onlar hər kəsi https://t.me/imzakampanyasi ünvanına müraciət edərək kampaniyaya qoşulmağa çağırır.

Aprelin 3-də başlayan kampaniyaya artıq minlərlə internet istifadəçisi qoşulub, onların sayı hər an artır.

Qeyd olunub ki, 1915-ci il hadisələrini soyqırım kimi qəbul edən ermənilər hər il aprelin 24-də Türkiyənin Tehrandakı səfirliyi qarşısında geniş etiraz aksiyası keçirir. Qondarma soyqırım bəhanəsi ilə “Türkiyəyə ölüm”, “Türkə ölüm” və sair şüarlar səsləndirən ermənilər İranın rəsmi icazəsi ilə türklərə qarşı belə bir hərəkətə əl atır.

Azərbaycanlılara isə Dağlıq Qarabağla bağlı hər hansı tədbir keçirməyə icazə verilmir.

Tanınmış iranlı politoloq Sadiq Zibakəlam “Qanun” qəzetində yazdığı məqalədə ermənilərin Türkiyə səfirliyi qarşısında keçirdiyi aksiyaya toxunaraq deyib:

“Tehranda keçirilən yığıncaq ermənilərə yardım və ya humanist mülahizələrə görə deyil. Bu, Tehranla Ankaranın arasında mövcud olan kin və nifrətlə bağlıdır”.

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Din.Az - yaradandan yaradılana...