Bəqərə surəsi, 6-cı ayə

(Ya Rəsulum!) Həqiqətən, kafirləri əzabla qorxutsan da, qorxutmasan da, onlar üçün birdir, iman gətirməzlər.

Bütün xəbərlər »
Qaynar Xəbərlər
falciliq-adi-ile-vetendaslari-qaret-eden-sexs-saxlanilib

Falçılıq adı ilə vətəndaşları qarət edən şəxs tutulub

Share Button

Falçı kirayə ev axtarmaq adı ilə getdiyi evlərdə özünü falçı kimi təqdim edərək qızılla fala baxdığını bildirib

Nərimanov Rayon Polis İdarəsinin 18-ci polis bölməsinin əməkdaşları respublikanın ayrı-ayrı rayonlarında falçılıq yolu ilə vətəndaşları qarət edən şəxsi saxlayıb.

“Din.az” APA-ya istinadən bildirir ki, vətəndaşların şikayəti əsasında əməliyyat keçirən bölmə əməkdaşları əslən Lənkəran rayonundan olan 1975-ci il təvəllüdlü Səfərov Mikayıl Ağəli oğlunu qarət yolu ilə əldə etdiyi qızıl-zinət əşyalarını satarkən saxlayıb. Polis bölməsinə gətirilən M.Səfərov cinayətini etiraf edib. İlkin ifadəsi zamanı o bildirib ki, respublikanın bir çox rayonunda kirayə ev axtarmaq adı ilə getdiyi evlərdə özünü falçı kimi təqdim edərək qızılla fala baxdığını bildirib:

“Rayonları gəzib kirayə ev axtarırdım. Ev tapanda özümü falçı kimi təqdim edərək xidmətlərimi təklif edirdim. Razı olanlardan fala baxmaq üçün qızıl lazım olduğunu deyirdim. Qızıl versələr onu boşqabda suyun içinə atıb üstünə ərinmiş şam tökürdüm. Sonra fala baxdıran otaqdan çıxanda tez şamı qoparıb içindəki qızılları götürürdüm. Sonra tapşırırdım ki, bu bir-iki gün qalmalıdır. Əl vurmayın, sonra açıb qızıllarınızı götürərsiniz”.

Onlarla vətəndaşı bu yolla aldadıb qarət etdiyini deyən M.Səfərov iki dəfə oğurluğa görə üst-üstə 14 il məhkumluq həyatı yaşadığını, falçılığı isə həbsdə olarkən oxuduğu kitabdan öyrəndiyini deyib.

Mikayıl Səfərovun cinayət əməlindən zərərçəkən Səkinə Quliyevanın sözlərinə görə, M.Səfərov Anar adı ilə evinə gələrək əvvəlcə ev axtardığını sonra falçı olduğunu deyib. Onun sözlərinə görə, azyaşlı xəstə nəvəsini sağaldacağını deyən falçı ona verilən qızılın az olduğunu deyəndən sonra evdə olan bütün qızılları gətirib ona vermək məcburiyyətində qalıb: “Hadisədən iki gün sonra qızılların olmadığından xəbər tutduq. Dərhal polisə məlumat verdik”.

Hazırda faktla bağlı araşdırma davam etdirilir. Qeyd olunan şəxsin cinayət əməlindən zərərçəkənlərdən xahiş olunur ki, 18-ci polis bölməsinin 012 490 88 26 telefon nömrəsinə zəng vuraraq məlumat versinlər.

BƏNZƏR MƏQALƏLƏR

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Top