Uca Allah Buyurur:

Onlara: «Allahın endirdiyinə tabe olun» deyilsə, «Xeyr! Biz atalarımızı hansı yolda görmüşüksə, ona tabe olacağıq!» deyirlər. Bəs ataları ağıllarını bir şeyə işlətməmiş və düz yola da daxil olmamışdılarsa, yenə tabe olacaqlar?

Bəqərə surəsi, 170

Fələstin ailəsinin 103 il Osmanlı əsgərindən əmanət saxladığı TÜRK LİRƏLƏRİ üzə çıxdı… – FOTO

Osmanlı döyüşçünün əmanətini ömrü boyu saxlayıb.

Müsəlman iş adamı sahibinin on illərlə gəlib çıxmadığı pulları xərcləmədi…

Fələstində bir ailənin I Cahan savaşı dövründən bəri qoruduğu Osmanlı türk pulları tapılıb.

Din.az xəbər verir ki, uzaq 1915-ci ildə Fələstində ingilislərlə savaşan bir türk əsgəri Rüşdi Əfəndi adlı sahibkardan o dövr üçün böyük məbləğ olan 14 min Osmanlı lirəsini o, savaşdan dönənədək əmanət kimi saxlamağı xahiş edib.

Təəssüf ki, ərəb iş adamı bir daha həmin hərbçini görə bilməyib. Ancaq o pulları xərcləmək əvəzinə Rüşdi Əfəndi əsl müsəlman kimi davranaraq Osmanlı döyüşçünün əmanətini ömrü boyu saxlayıb. Və üstəlik, ölümündən öncə öz övlad və nəvələrinə də sahibini tapanadək bu türk əskinaslarını qorumağı vəsiyyət edib.

Hazırda 103 il öncə Osmanlı əsgərinin fələstinli iş adamına verdiyi 14 min lirə Rüşdi Əfəndinin bacısı oğlu Racib Əl-Əluladadır. O, dayısından qalan əmanəti qaytarmaq üçün həmin türk hərbçisinin qohumlarını axtarır… / Moderator.az

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Din.Az - yaradandan yaradılana...