Uca Allah Buyurur:

İnsanlara yaxşı olmağı əmr edib özünüzü yaddan çıxarırsınız, eləmi? Bir də Kitabı oxuyursunuz. Heç ağlınızı işlədirsiniz?

Bəqərə surəsi, 44

Fələstin hökuməti istefaya göndərilib

Fələstinin dövlət başçısını dəstəkləyən yeni hökumət qurulacaq.

Fələstin dövlətinin başçısı Mahmud Abbas “texnokrat hökuməti” istefaya göndərib.

Din.az xəbər verir ki, Rami Hamdallanın başçılıq etdiyi hökumətin yerinə dövlət başçısını dəstəkləyən yeni hökumət qurulacaq.

Bildirilib ki, yeni hökumətin qurulması ilə bağlı komissiya yaradılıb. Hamdalla kabineti yeni hökumət formalaşanadək səlahiyyətlərini icra edəcək. Fələstin rəhbərliyi vurğulayıb ki, Mahmud Abbasın qərarı Baş nazirə etimadın itməsi ilə deyil, siyasi şəraitin dəyişməsi ilə bağlıdır.

Qeyd edək ki, texnokratlardan ibarət indiki milli birlik kabineti 2013-cü ildə HƏMAS-la danışıqlar aparmaq məqsədilə yaradılmışdı. Hökumət danışıqlar nəticəsində Qəzza zolağının Fələstin hakimiyyətinin nəzarəti altına keçməsinə nail olmalı idi. Ancaq HƏMAS bunun üçün Mahmud Abbasın hakimiyyətdən getməsini şərt olaraq irəli sürdüyündən danışıqlar uğursuzluqla nəticələnib.

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Din.Az - yaradandan yaradılana...