Uca Allah Buyurur:

Onlara: «Allahın endirdiyinə tabe olun» deyilsə, «Xeyr! Biz atalarımızı hansı yolda görmüşüksə, ona tabe olacağıq!» deyirlər. Bəs ataları ağıllarını bir şeyə işlətməmiş və düz yola da daxil olmamışdılarsa, yenə tabe olacaqlar?

Bəqərə surəsi, 170

Fələstin səfiri: “Trampın Qüdsü İsrailin paytaxtı kimi tanıması bütün sülh səylərini pozacaq”

“Bu qərar bütün sülh səylərini pozacaq və dünyada sülh və sabitliyə daha geniş böyük təsir göstərəcək.”

“ABŞ Prezidenti Donald Trampın Qüdsü İsrailin paytaxtı kimi tanıması faciəvi, qanunsuz və beynəlxalq hüquqa zidd qərardır”.
Din.az bildirir ki, bunu “Report”a açıqlamasında Fələstin Dövlətinin Azərbaycandakı səfiri Naser Əbdül Kərim deyib.
Diplomat qeyd edib ki, bu qərar bütün sülh səylərini pozacaq və dünyada sülh və sabitliyə daha geniş böyük təsir göstərəcək.
Onun sözlərinə görə, bu, ekstremistlər üçün hədiyyə, beynəlxalq hüquqa, BMT-nin qətnamələrinə və insan haqlarına məhəl qoymayan işğalçı müstəmləkə hakimiyyəti üçün mükafatdır: “Əl-Qüds müsəlmanlar, xristianlar və yəhudilər üçün müqəddəs şəhərdir. Bu məkan İslamda və üzünü bu istiqamətdə tutub dua edən milyonlarla müsəlmanın qəlbində unikal yerdir. Eyni sözlər, dünyanın müxtəlif yerlərində olan xristianlar üçün də keçərlidir”.
Xatırladaq ki, dünən ABŞ Prezidenti Donald Tramp Qüdsü İsrailin paytaxtı kimi tanıyıb və ABŞ səfirliyinin Təl-Əvivdən Qüdsə köçürülməsi barədə göstəriş verib.

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Din.Az - yaradandan yaradılana...