Uca Allah Buyurur:

İnsanlara yaxşı olmağı əmr edib özünüzü yaddan çıxarırsınız, eləmi? Bir də Kitabı oxuyursunuz. Heç ağlınızı işlədirsiniz?

Bəqərə surəsi, 44

FETÖ-nun həbs etdiyi general: Suriyaya ilk o girdi

Türkiyə-Suriya sərhədini keçən ilk komandir …

2012-ci ildə FETÖ-nun qurduğu tələyə düşərək 20 ay həbsdə saxlanılan general İdris Acartürk “Sülh çeşməsi” əməliyyatı ilə Türkiyə-Suriya sərhədini keçən ilk komandir olub.

Din.az Axar.az-a istinadən xəbər verir ki, bu barədə Türkiyə mətbuatı yazıb.

Məlumata görə, tezliklə ölkənin ən parlaq generallarından biri olacağı düşünülsə də, 2012-ci ildə Acartürkə qarşı FETÖ-nun əli ilə hazırlanan tələ buna mane olub. FETÖ üzvü polis, prokuror və hakimlər tərəfindən aparılan iş çərçivəsində Acartürk də daxil olmaqla, 49 hərbçi, ümumilikdə 357 nəfər mühakimə edilib. Acartürk “Pandora” adlı məlumat bazasındakı informasiyalara əsasən terror qruplaşmasına “Atmaca” və “Fırtına” adlı sənədləri ötürməkdə ittiham olunub. O, 2012-ci ilin 7 iyulunda “gizli sənədləri ələ keçirmək”, “hərbi casusluq” kimi ittihamlarla həbs edilib.

Məsələnin üstü açıldıqdan sonra 357 nəfərlə birlikdə azadlığa çıxan Acartürk 2016-cı ildə general rütbəsi alıb.

2017-ci ildə Sakaryada yerləşən 7-ci komandos briqadasına komandir təyin olunub. Sözügedən briqada 3 ay əvvəl Şanlıurfaya – sərhəd bölgəsinə göndərilib.

“Sülh çeşməsi” əməliyyatının başlanmasından sonra Acartürk komandos briqadası ilə birlikdə sərhədi keçən ilk komandir kimi yadda qalıb.

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Din.Az - yaradandan yaradılana...