Uca Allah oruc haqqında buyurub::

“Ey iman gətirənlər! Sizdən əvvəlkilərə fərz qılındığı kimi oruc tutmaq sizə də fərz qılındı ki, bununla qorunasınız”.

“Bəqərə” surəsi, 2/183

GMİ sədri: “Gürcüstan azərbaycanlılarının Azərbaycanda dini təhsil almalarına ehtiyac var”

Gürcüstanda olan müsəlman din xadimləri müxtəlif ərəb və qonşu ölkələrdə təhsil alırlar.

“Gürcüstanın azərbaycanlı din xadimlərinin Azərbaycanda dini təhsil almalarına ehtiyac var”.

Din.az bildirir ki, bunu Gürcüstan Müsəlmanları İdarəsinin (GMİ) sədri Hacı Ramin İgidov bildirib.

Onun sözlərinə görə, Gürcüstanda olan müsəlman din xadimləri müxtəlif ərəb və qonşu ölkələrdə təhsil alırlar: “Onların müəyyən hissəsi Gürcüstan tərəfindən tanınan dini təhsil ocaqlarında biliklərə yiyələnirlər. Lakin, təəssüflər olsun ki, bəzi din xadimləri qeyri-ənənəvi dini cərəyanların təbliğ olunduğu təhsil müəssisələrini bitirərək yalnış biliklərə malik olurlar. Bəzən onlar Gürcüstana ekstremist və təhrifçi fikirlərlə dönürlər və bu da ölkə üçün təhlükədir. Bu baxımdan, Gürcüstan azərbaycanlılarının Azərbaycanda dini təhsil almaları ilə bağlı təşəbbüsü dəstəkləyirik”.

R.İgidov qeyd edib ki, rəhbərlik etdiyi qurum Gürcüstandan azərbaycanlı din xadimlərinin dini təhsillə bağlı Azərbaycana göndərilməsi istiqamətində əməkdaşlığa hazırdır: “İdarəmiz Qafqaz Müsəlmanları İdarəsi və digər müvafiq qurumlarla əməkdaşlığa hazırdır. Azərbaycanda dini təhsil alan Gürcüstanın azərbaycanlı vətəndaşları savadlı olmaqla yanaşı, həm də Gürcüstan ictimaiyyəti tərəfindən də qəbul olunmalıdır”.

Qeyd edək ki, ötən həftə Gürcüstanda səfərdə olan Diasporla İş üzrə Dövlət Komitəsinin sədri Fuad Muradov Gürcüstanın azərbaycanlı vətəndaşlarının Azərbaycanda dini təhsil ala biləcəklərini deyib. Onun sözlərinə görə, Gürcüstanda qeyri-ənənəvi dinlər geniş yayılıb və bu ölkənin müsəlman din xadimlərinin Azərbaycanda təhsil almaları bu cür təhlükəli dini cərəyanların qarşısını ala bilər. / Report.az

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Din.Az - yaradandan yaradılana...