Uca Allah Buyurur:

Onlara: «Allahın endirdiyinə tabe olun» deyilsə, «Xeyr! Biz atalarımızı hansı yolda görmüşüksə, ona tabe olacağıq!» deyirlər. Bəs ataları ağıllarını bir şeyə işlətməmiş və düz yola da daxil olmamışdılarsa, yenə tabe olacaqlar?

Bəqərə surəsi, 170

Gürcüstanda 15 məscid qeydiyyatdan keçib

Daha bir məscidin tikintisinə icazə verilib…

Tiflisdə Dini Qurumlarla İş üzrə Dövlət Agentliyinin maliyyə məsələləri üzrə məsləhət komitəsinin iclası keçirilib.

“Din.az” xəbər verir ki, APA-nın Gürcüstan bürosunun məlumatına görə, Gürcüstan Müsəlmanları İdarəsinin (GMİ) şeyxi Hacı Ramin İgidov bildirib ki, tədbirdə GMİ tərəfindən qaldırılan 16 vacib məsələ həll edilib. O deyib ki, hüquqi ünvanı Tiflis Cümə Məscidi olmaqla, 15 məscidin GMİ-nin sərəncamına verilməsi haqqında qərar qəbul olunub və onlar qeydiyyata alınıb: “Qərarda daha bir məscidin tikintisinə icazə verilib”.

Şeyx qeyd edib ki, indiyədək Gürcüstanda 312 məsciddən 130-nun qeydiyyatı artıq həll olunub və məscidlər rəsmən dövlət tərəfindən tanınıb: “Onu da qeyd edim ki, bu il müsəlman icmasına ayrılan 2,5 milyon lari Gürcüstanın bütün bölgələrində fəaliyyət göstərən 400 din xadiminə maaş verilməsi, məscidlərin təmiri, dini maarifləndirmə və müəyyən xeyriyyə işləri üçün nəzərdə tutulub. İl ərzində məscidlər tədricən təmir olunur və bu iş ilin sonunadək davam edəcək. Ötən il ümumilikdə 55 məsciddə təmir işləri aparılıb və hazırda 30-dan çox məsciddə təmir işləri gedir”.

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Din.Az - yaradandan yaradılana...