Uca Allah Buyurur:

İnsanlara yaxşı olmağı əmr edib özünüzü yaddan çıxarırsınız, eləmi? Bir də Kitabı oxuyursunuz. Heç ağlınızı işlədirsiniz?

Bəqərə surəsi, 44

Helikopter qəzası: 9 nəfər niyə 7 oldu? – Kadırov

Qəza yerində 5 meyit və 2 yaralı aşkarlanıb.

Çeçenistanda qəzaya uğrayan helikopterdə əvvəlcə 9, daha sonra isə 7 nəfərin olması barədə yayılan rəsmi açıqlamaya Çeçenistan lideri Ramzan Kadırov aydınlıq gətirib.

Din.az xəbər verir ki, 2 sərhədçi qəzadan az öncə helikopterdən tullanmağı bacarıb.

“Helikopter zastavaya apardığı sərhədçiləri düşürmək üçün enişə başlayıb. Helikopter yerdən 2 metr məsafədə olanda onu güclü külək vurub. Bu zaman iki sərhədçi helikopterdən atılmağı bacarıb. Digər 7 nəfər helikopterdə qalıb. Helikopter 150 metr yüksəkliyə qalxıb və ordan yerə çırpılıb”, – Kadırov deyib.

Kadırov bildirib ki, qəza yerində 5 meyit və 2 yaralı aşkarlanıb. Amma yaralılardan biri hospitalda dünyasını dəyişib. Hazırda ikinci yaralının vəziyyəti ağır-stabildir:

“Əgər onun vəziyyəti ağırlaşsa, təcili olaraq Moskvaya göndəriləcək”.

Qeyd edək ki, bu gün rus sərhədçiləri zastavaya aparan Mi-8 helikopteri Çeçenistanda qəzaya uğrayıb.

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Din.Az - yaradandan yaradılana...