Uca Allah oruc haqqında buyurub::

“Ey iman gətirənlər! Sizdən əvvəlkilərə fərz qılındığı kimi oruc tutmaq sizə də fərz qılındı ki, bununla qorunasınız”.

“Bəqərə” surəsi, 2/183

Hicablı stüardessaları olan aviaşirkət bağlandı – VİDEO

“Rayani Air”in bağlanmasına səbəb sərnişinlərin çoxsaylı şikayətləri olub

Malayziyanın Mülki Aviasiya Departamenti (MAD) ölkədə yerli “Rayani Air” aviaşirkətini bağlayıb.

“Din.az” AFP-ya istinadən xəbər verir.

MAD “Rayani Air” ilə bağlı araşdırmaya aprel ayından başlayıb. Aviaşirkətin xidmətlərindən istifadə edən sərnişinlər “Rayani Air”də uçuşların gecikməsi və son dəqiqədə reyslərin ləğv edilməsindən şikayət edirdilər.

Şikayətlərin nəticəsi kimi aviaşirkətin lisenziyası alınıb. MAD-ın rəhbəri Əzharuddin Abdulla Rəhman bəyan edib ki, aviasahədə qayda və təhlükəsizlik mühüm əhəmiyyət kəsb etdiyindən “Rayani Air”in fəaliyyəti dayandırılıb.

Qeyd edək ki, “Rayani Air” şirkəti 2015-ci ilin dekabrından fəaliyyət göstərib. Təyyarə göyərtələrində sərnişinlərə yalnız halal yeməklər təqdim olunurdu və spirtli içki verilmirdi. Stüardessalar baş örtüyündən istifadə edirdilər, göyərtədə isə hər uçuşdan əvvəl namaz qılınırdı.

MÜZAKİRƏ

Bir Cevap Yazın

E-posta hesabınız yayımlanmayacak. Gerekli alanlar * ile işaretlenmişlerdir

Din.Az - yaradandan yaradılana...