Uca Allah oruc haqqında buyurub::

“Ey iman gətirənlər! Sizdən əvvəlkilərə fərz qılındığı kimi oruc tutmaq sizə də fərz qılındı ki, bununla qorunasınız”.

“Bəqərə” surəsi, 2/183

Hindli işçilər müsəlman ölkəsində ac buraxıldı

10 min hindli aylardır qida böhranı ilə üz-üzədir

Səudiyyə Ərəbistanında işlərindən atılan 10 min hindlinin aclıq böhranı ilə qarşı-qarşıya qoyulduğu ortaya çıxıb.

“Din.az” xəbər verir ki, “BBC-türkcə”də yer alan məlumata görə,  Hindistan Xarici İşlər Nazirliyi Səudiyyə Ərəbistanında işlərindən qovulan 10 min hindlinin bir qida böhranı ilə mücadilədə qarşı-qarşıya qaldığını bildirib.

Xarici işlər naziri Sushma Svaraj ölkədəki çoxlu sayda hindli işçinin işlərini itirdiyini və yemək almaq üçün pullarının qalmadığını söyləyib.

Ciddə şəhərindəki hindlilər Hindistan hökumətinin köməyi ilə həftə sonu ehtiyacı olanlara yemək paylayıb.

Belə ki, neftin qiymətinin aşağı düşməsi ilə Səudiyyə Ərəbistan iqtisadiyyatının inkışafı yavaşlayıb. Hindistanlı nazir Svaraj tvitterdən verdiyi açıqlamada, Səudiyyə Ərəbistandakı sayı 3 milyon olan hindlilərə çağırış edib və “Qardaşlarınıza kömək edin. Sizi əmin edirəm ki, Səudiyyə Ərəbistanda işsiz qalan heç bir hindli ac qalmayacaq” deyib. Svaraj başqa bir nazirin Səudiyyə Ərəbistana gedib işsiz qalan və  ölkələrinə qayıtmaq üçün bilet pulu olmayan hindlilərin təxliyyə edilməsi üçün işlər görəcəyini də bildirib.

Ciddədəki Hindistan konsulluğu təkcə şənbə günü 15 tondan çox yemək payladığını da qeyd edib.

Səudiyyə Ərəbistanından açıqlama yoxdur…

Səudiyyə Ərəbistanında fəaliyyət göstərən böyük bir Səudiyyə-Livan inşaat şirkəti “Səudi Oger”də işləyən 800 hindli işçinı işdən çıxarıb. 7 aydır maaş almadıqlarını söyləyən işçilərin Ciddədə nümayişlər etdiyi bildirilib.

Səudiyyə Ərəbistanı hökuməti isə hələ hindli işçilərin vəziyyəti ilə bağlı bir açıqlama verməyib.

Bir vaxtlar da İnsan Haqları İzləmə Təşkilatı əcnəbi işçilərin iş şəraiti ilə bağlı Səudiyyə hökumətini tənqid etmişdi. Hindistanın xarici işlər naziri Svaraj Küveytdə də işdən çıxarılan işçilərin qida sıxıntısı yaşadığını, lakin oradakı vəziyyətin bir az daha yaxşı olduğunu qeyd edib.

MÜZAKİRƏ

Bir Cevap Yazın

E-posta hesabınız yayımlanmayacak. Gerekli alanlar * ile işaretlenmişlerdir

Din.Az - yaradandan yaradılana...