Uca Allah oruc haqqında buyurub::

“Ey iman gətirənlər! Sizdən əvvəlkilərə fərz qılındığı kimi oruc tutmaq sizə də fərz qılındı ki, bununla qorunasınız”.

“Bəqərə” surəsi, 2/183

İƏT Qarabağ münaqişəsindən əziyyət çəkən azərbaycanlılara maliyyə yardımı göstərilməsinə çağırış edib

İƏT Baş katibliyi azərbaycanlı qaçqın və məcburi köçkünün ağrı və məşəqqətlərini narahatlıqla izləyir.

İslam Əməkdaşlıq Təşkilatı (İƏT) Dağlıq Qarabağ münaqişəsinin sülh yolu ilə həllinə töhfə verməyə sadiqdir. Habelə Azərbaycanla həmrəyliyi və ona davamlı dəstək verməyə davam edəcək.

Din.az-ın APA-ya istinadən verdiyi xəbərə görə, bu, Ermənistanın Azərbaycana qarşı təcavüzü üzrə İƏT-in Təmas Qrupunun Nyu-Yorkda keçirilmiş iclasında qurumun Baş katibi Yusif Əl-Osayminin adından oxunan bəyanatda öz əksini tapıb.

Bildirilib ki, İƏT Baş katibliyi 1 milyondan çox azərbaycanlı qaçqın və məcburi köçkünün ağrı və məşəqqətlərini narahatlıqla izləyir.

Bəyanatda üzv dövlətlərə və qurumun orqanlarına Azərbaycanda Dağlıq Qarabağ münaqişəsindən əziyyət çəkən insanlara lazımi maliyyə və humanitar yardım göstərilməsinə çağırış edilib.

Qeyd edək ki, Ermənistanın Azərbaycana qarşı təcavüzü üzrə İƏT-in Təmas Qrupunun iclası Nyu-Yorkda BMT Baş Assambleyasının 74-cü sessiyası çərçivəsində baş tutub.

Xatırladaq ki, İƏT 2016-cı ilin aprelində İstanbulda keçirilmiş sammitində Dağlıq Qarabağ münaqişəsinin həlli ilə bağlı Təmas Qrupunu yaratmaq qərarını verib. Təmas Qrupunun tərkibinə təşkilata üzv ölkələrin xarici işləri nazirləri daxildir. Təmas Qrupunun yaradılması barədə qərar Türkiyənin təşəbbüsü ilə qəbul edilib. İndiyə qədər İƏT Təmas Qrupunun üç iclası keçirilib.

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Din.Az - yaradandan yaradılana...