Uca Allah Buyurur:

İnsanlara yaxşı olmağı əmr edib özünüzü yaddan çıxarırsınız, eləmi? Bir də Kitabı oxuyursunuz. Heç ağlınızı işlədirsiniz?

Bəqərə surəsi, 44

İftarı soyuq su ilə açmayın, quru yeməyin

“Soyuq və buzlu suyun üstündən qırmızı xətt çəkmək lazımdır”.

Bir çox oruc tutanların yanlış adətləri vardır. Onlar oruclarını soyuq və hətta buzlu su ilə açırlar. Bəziləri isə quru yeməyin ardınca düşürlər. Mütəxəssislər qeyd edir ki, insanlar arasında yayılmış bu yanlış adət Ramazan ayında onlar üçün çətinliklər yaradır. Belə insan ancaq mədəsini doldurar, həzm sistemində də problemlər yaradar.

Din.az “Milli.Az”a istinadən bildirir ki, mütəxəssis məsləhətinə görə insan iftarını ilıq su ilə, xurma və ya firni ilə açmalı, soyuq və buzlu suyun üstündən qırmızı xətt çəkməlidir. O insanlar ki, iftarlarında meyvə, tərəvəz, isti xörək, pendir, göyərti, çörək və çay ilə qidalanarlar, həzm sistmemi baxımından daha sağlam olarlar.

İnsanlar bəzən Ramazan ayında qəbizlikdən əziyyət çəkirlər. O zaman ki, insan 17-18 saat ac və susuz qalır, bağırsaqların hərəkəti azalır. Maye içməmək qəbizliyin yaranmasına səbəb olar. Xüsusilə də Ramazan ayının ilk həftəsində bu problem özünü qabarıq şəkildə göstərir. Qəbizliyin qarşısını almaq üçün tərəvəz və meyvə yeməkdən qafil olmaq olmaz. Və çox yağlı və şirin şeylərin yeyilməsi məsləhət görülmür.

Oruc tutanların əksər hissəsinin sualı budur ki, obaşdana yemək yemək zəruridirmi? Cavabında deməliyik ki, bəli, obaşdana durmaq çox faydalıdır və oruc tutanlar obaşdanda maye içməli, kifayət qədər qida qəbul etməlidirlər ki, həzm sistemində problemləri olmasın. Əgər səhər obaşdan zamanı yemək yeyə bilmirsinizsə, səbəbi iftarda çox yeməyinizdir.

Orucu sadə suplarla da açmaq çox tövsiyə olunur. İftar açan insan əvvəl duru yemək yeməli və sonra quru yeməklərin sorağına getməlidir. Ramazan ayında tərəvəz suplarına və salatlara xüsusi yer verin ki, həzm sisteminizin fəaliyyəti normada olsun.

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Din.Az - yaradandan yaradılana...