Uca Allah oruc haqqında buyurub::

“Ey iman gətirənlər! Sizdən əvvəlkilərə fərz qılındığı kimi oruc tutmaq sizə də fərz qılındı ki, bununla qorunasınız”.

“Bəqərə” surəsi, 2/183

İlahiyyatçı ELŞAD MİRİ: “Peyğəmbərimiz 50 yaşında 6 yaşlı qızla nişanlanıb” – VİDEO

Elşad Miri: “Muhamməd Peyğəmbərin 9 yaşında Aişə anamızla evlənməsi yanlış məlumatdır”.

Bu gün APA TV-nin “İlham Tumasla 40 dəqiqə” verilişində qonaq olan ilahiyyatçı Elşad Miri qız və oğlan uşaqlarının erkən yaşda evləndirilməsi ilə bağlı mövzunun müzakirəsində iştirak edib.

Din.az “A24.az”-a istinadən bildirir ki, müzakirə zamanı ilahiyyatçı Muhamməd Peyğəmbərin 9 yaşında Aişə anamızla evlənməsinin yanlış olmasından danışıb. Belə bir şeyin Quranda olmadığını, bu haqda bir kəlmənin belə keçmədiyini qeyd edib.

Lakin Elşad Miri qızların 9 yaşında ərə verilməməsi ilə bağlı məsələni Qurani Kərimdə tapa bilməyənlərin hədislərdən bəhrələndiyini təəssüf hissi ilə qeyd edib:

“Bu gün “qızları 9 yaşında evləndirmək olar, ya yox?!” sualına Qurani Kərimdən cavab tapa bilməyənlər ikinci mərhələdə dərhal Peyğəmbərin həyatına və hədislərə müraciət edirlər. Bəs hədislərdə nə var? Çox maraqlıdır! Siz hələ çox yaxşı ki, 9 yaşla başladınız. Hədislərdə var ki, peyğəmbərimiz guya özünün 50 yaşı olanda 6 yaşlı qızla – (həmin o qız kimdir? Möminlərin əmiri və birinci xəlifə sayılan, Əbu Bəkirin qızı Aişə anamız) nişanlanıb, 9 yaşında Mədinəyə köçəndən sonra isə, üzr istəyirəm ifadəmə və bu uydurmaya görə, peyğəmbərimizi də bundan uzaq tuturam, 53 yaşlı peyğəmbərimiz onunla zifafa girib”.

Aparıcının “9 yaşında qızı almaq olmazdımı? Peyğəmbər də almayıb və heç bir ərəb də almazdı?” sualına ilahiyyatçı Elşad Miri “Xeyr, olmazdı. Xeyr, peyğəmbərimiz də almayıb. Necə ala bilər?!” deyərək qəti şəkildə mövzuyla bağlı fikirlərini əsaslandırıb.

Verilişdən olan görüntüləri sizə təqdim edirik:

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Din.Az - yaradandan yaradılana...