Uca Allah oruc haqqında buyurub::

“Ey iman gətirənlər! Sizdən əvvəlkilərə fərz qılındığı kimi oruc tutmaq sizə də fərz qılındı ki, bununla qorunasınız”.

“Bəqərə” surəsi, 2/183

“İlham Əliyev multikulturalizmin Azərbaycan modeli haqqında” adlı kitabın növbəti təqdimatı keçirildi

Azərbaycanda mövcud olan dini və etnik icmalara tarixi baxış …

Azərbaycan Dillər Universitetində (ADU) “Azərbaycan Respublikasının Prezidenti İlham Əliyev multikulturalizmin Azərbaycan modeli haqqında” adlı kitabın silsilə təqdimatları keçirilir. Növbəti belə tədbir martın 13-də ADU Multikulturalizm Elmi – Tədqiqat Laboratoriyasında (ETL) təşkil olunub.

Din.az bildirir ki, açılış nitqi ilə çıxış edən ADU-nun Beynəlxalq münasibətlər və İdarəetmə fakültəsinin dekanı İbrahim Kazımbəyli dövlətimizin multikulturalizm siyasətinin vacibiyindən və universitetdə bu kimi tədbirlərin keçirilməsinin əhəmiyyətindən danışıb. Tarix üzrə fəlsəfə doktoru Əli Fərhadov “Cənab Prezident İlham Əliyev və multikulturalizm siyasəti: “Azərbaycan Respublikasının Prezidenti İlham Əliyev multikulturalizmin Azərbaycan modeli haqqında: seçilmiş fikirlər” kitabının (Azərbaycan, rus və ingilis dillərində) əsasında” mövzusunda məruzə ilə çıxış edib. O, multikulturalizm, islam həmrəyliyi və tolerantlıq mövzuları haqqında məlumat verib, kitabın alimlər və tələbələr üçün mükəmməl vəsait olduğunu bildirib. ADU Multikulturalizm ETLnın elmi işçisi, filologiya üzrə fəlsəfə doktoru Rəşad İlyasov “Müasir Azərbaycanda multikulturalizm, dini və etnik icmalar” mövzusunda məruzə ilə çıxış edib. O, Azərbaycanda mövcud olan dini və etnik icmalara tarixi baxış, onlara müsair dövrdə dövlətimizin qayğısından bəhs edib. ADU Beynəlxalq münasibətlər və İdarəetmə fakültəsinin dekan müavini Əli Məmmədov isə “Multikulturalizm Azərbaycan milli siyasətinin ideoloji əsası kimi” mövzusunda mühazirə oxuyub, ölkəmizdə yaşayan çoxsaylı etnik qrupların ölkəmizin multikultural üstünlüyü olduğunu qeyd edib. ADU Xarici dillərin metodikası kafedrasının müəllimi Könül Fərəcbəyli “İsrailin baş naziri Benyamin Netanyahunun Azərbaycana işgüzar səfəri zamanı cənab İlham Əliyevin çıxışından” mövzusunda mühazirə deyib, yəhudi və Azərbaycan xalqlarının qardaşlığından, dostluğundan söhbət açıb. ADU Multikulturalizm ETL-nın müdiri, dosent İrina Kunina çoxmədəniyyətliliyin, multikultural mühitin Azərbaycanın zənginliyi olduğunu bildirib. Sonda tələbələr də mövzu ilə bağlı fikirlərini bölüşüblər. / Moderator.az

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Din.Az - yaradandan yaradılana...