Uca Allah Buyurur:

Onlara: «Allahın endirdiyinə tabe olun» deyilsə, «Xeyr! Biz atalarımızı hansı yolda görmüşüksə, ona tabe olacağıq!» deyirlər. Bəs ataları ağıllarını bir şeyə işlətməmiş və düz yola da daxil olmamışdılarsa, yenə tabe olacaqlar?

Bəqərə surəsi, 170

İnsanları aldatdığı üçün öz qohumu tərəfindən bıçaqlanan falçı – VİDEO

Allah vergisi, yoxsa fırıldaq?

Məlahət Qafarova Ucarın Qaracallı kəndində yaşayır. 55 yaşlı qadın illərdir falçılıqla məşğuldur. “Əlinin min dərdə dəva” olduğunu iddia edən qadın ona vergi verildiyini deyir. Həyətindəki nar ağacını isə pir kimi təqdim edir.

Övladı olmayanlara uşaq, ailə qura bilməyənlərə isə toy vəd edir. Texnologiyanın və müasir tibbin inkişaf etdiyi bir dövrdə o, falçılıqla məşğul olub insanları belə inandırır.

Qadın, dırnaqarası bacarığı ilə Ucara səs salıb. Hətta qonşu rayonlardan da onun yanına gələn var. Kənd sakinlərinin əksəriyyəti qadının insanları aldatdığını bildirirlər. Onlar deyirlər ki, falçı xüsusilə də qadınları aldadır, onlara guya, xoşbəxtlik bəxş edərək pullarını alır.

Rayon polis şöbəsindən verilən məlumata görə, Məlahət Qafarovanın bacısıoğlu falçılıqla insanları aldatdığına görə xalası ilə mübahisə edib və onu bıçaqlayıb. Ancaq qadının tutduğu əməllər haqqında polisə şikayət daxil olmayıb.

“Din.az” “xezerxeber”in mövzu ilə bağlı hazırladığı videoxəbəri təqdim edir:

MÜZAKİRƏ

Bir Cevap Yazın

E-posta hesabınız yayımlanmayacak. Gerekli alanlar * ile işaretlenmişlerdir

Din.Az - yaradandan yaradılana...