Uca Allah Buyurur:

İnsanlara yaxşı olmağı əmr edib özünüzü yaddan çıxarırsınız, eləmi? Bir də Kitabı oxuyursunuz. Heç ağlınızı işlədirsiniz?

Bəqərə surəsi, 44

İŞİD-i kim yaradıb? – Türk nazir açıqladı

İŞİD-i yaradanlar hədəflərinə çatandan sonra bu terror təşkilatı yox olacaq

Без названияİŞİD-i yaradıb müsəlmanların başına bəla edən alçaq, qaranlıq qüvvələr Türkiyəni İŞİD-ə dəstək verməkdə günahlandırır. Kim Türkiyə İŞİD-ə yardım edir iftirasını dilinə gətirsə, bilin ki, o, Türkiyə düşmənidir.

“Din.az”ın “axar.az”a istinadən verdiyi xəbərə görə, bu sözləri Türkiyənin Ədliyyə naziri Bəkir Bozdağ tvitter səhifəsində yazıb. Nazir İŞİD-in beynəlxalq layihə olduğunu deyib:

“İŞİD-in məqsədi insanları İslama, Qurana, Muhəmməd Peyğəmbərə və müsəlmanlara qarşı qoymaqdır. Bu layihəni hazırlayanların digər məqsədi Yaxın Şərqdə siyasi hədəflərə nail olmaq üçün lazımi şəraitin yaradılmasıdır.

İŞİD sıralarında 140-dən çox ölkənin vətəndaşı döyüşür. Dövləti, milləti, dini, dili, rəngi, mədəniyyəti, ailəsi, təhsili və həyat tərzi tamam başqa olan bu insanlar ABŞ, Avstraliya, Avropa Birliyi, Afrika və Asiyadan gəlib döyüşür. Bu insanları kimlər razı salır, bunu öyrənmək vacibdir. Heç 10 ildir yaranmayan bir təşkilat bunu necə edə bilər? Əlbəttə edə bilməz.

ABŞ və koalisiya qüvvələri daxil olmaqla xeyli ölkə İŞİD-i bombardman edir. Bəs bu qədər ölkə niyə bir təşkilatı yox edə bilmir? İŞİD terror təşkilatı layihəsini yaradanların hədəfləri reallaşdığı an İŞİD deyə bir şey qalmayacaq”.

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir