Uca Allah Buyurur:

Onlara: «Allahın endirdiyinə tabe olun» deyilsə, «Xeyr! Biz atalarımızı hansı yolda görmüşüksə, ona tabe olacağıq!» deyirlər. Bəs ataları ağıllarını bir şeyə işlətməmiş və düz yola da daxil olmamışdılarsa, yenə tabe olacaqlar?

Bəqərə surəsi, 170

İslam qaydasıyla kəsilmiş ətdə XƏRÇƏNGƏ TUTULMAQ RİSKİ AZDIR

“Qırmızı ət bir sıra xəstəliklərin “günahkarı”dır”.

“Kəsilən heyvanın daha çox qanını buraxmaqla ətin toksikliyi də bir o qədər çox azalır…”

Alimlər İslam və yəhudi dini(iudaizm) tərəfindən təyin edilmiş üsullarla kəsilmiş heyvanların ətinin yeyilməsindən xərçəngə tutulma ehtimalının az olması qənaətinə gəlməkdədirlər.

Din.az bildirir ki, bu haqda Fransanın “France 2” telekanalına müsahibəsində dünya şöhrətli onkoloq, Paris xəstəxanalarından birinin onkologiya şöbəsinin baş həkimi, professor David Hayat danışıb.

Onkoloq qırmızı ətin bir sıra xəstəliklərin “günahkarı” olduğunu, ürək-damar xəstəliklərini və xərçəng riskini artırdığını bildirib. Tibb alimi ətin qırmızı rənginin tərkibində oksigenin ciyərlərdən toxumalara çatdırılmasında məsul olan “hemoqlobin” adlanan bir proteinin olması ilə ilə izah olunduğunu xatırladıb.

“Hemoqlobinin tərkibində dəmir var. Bu dəmir molekülü isə bir kanserogendir(xərçəng törədə biləndir). Beləliklə, demək olar ki, kəsilən heyvanın daha çox qanını buraxmaqla ətin toksikliyi də bir o qədər çox azalır. Maraqlıdır ki, İsraillilər və müsəlmanlar “koşer” və “halal” adlanan ət kəsimi qaydaları ilə bunu edirlər. Bəlkə də həmin ritualların mənası məhz bundadır “, – deyə məşhur onkoloq-professor vurğulayıb. / Milli.Az

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Din.Az - yaradandan yaradılana...