Uca Allah Buyurur:

Onlara: «Allahın endirdiyinə tabe olun» deyilsə, «Xeyr! Biz atalarımızı hansı yolda görmüşüksə, ona tabe olacağıq!» deyirlər. Bəs ataları ağıllarını bir şeyə işlətməmiş və düz yola da daxil olmamışdılarsa, yenə tabe olacaqlar?

Bəqərə surəsi, 170

İsrail yalnız yəhudilərin evinə çevrildi – Qalmaqallı qanun

İvrit dili dövlət dili hesab edilir, ərəb dilinə xüsusi status verilir …

İsrail parlamenti İsrail dövlətinin yalnız yəhudilərə aid olması haqqında Konstitusiya qanununu qəbul edib.

Din.az xəbər verir ki, parlamentdə qəbul edilən qanuna əsasən, İsrail bundan sonra yəhudi xalqının evi sayılır və yalnız yəhudilər dövlətin hüdudlarında öz milli müqəddəratını həll etmək haqqına sahib olurlar.

Qanunda həmçinin yalnız ivrit dilinin dövlət dili hesab edildiyi və ərəb dilinə isə xüsusi status verildiyi bildirilib.

İsrail Baş naziri Benyamin Netanyahu da qanunla bağlı çıxış edib:

“Bu, sionizm və İsrail dövlətinin tarixində həlledici andır. Biz qanunla öz mövcudluğumuzun baza prinsiplərini gücləndiririk. İsrail yəhudi xalqının milli dövlətidir və o öz vətəndaşlarının fərdi haqlarına hörmətlə yanaşır. Yaxın Şərqdə yeganə olaraq bu haqqa hörmətlə yanaşan bizik”.

Yeni qanun ərəblər arasında kəskin narazılığa səbəb olub. Qanunun parlamentdə qəbulu zamanı ərəb deputatlar nümayişkaranə şəkildə bunun diskriminasiyaya səbəb olacağını bildiriblər. Onlar həmçinin Netanyahuya qarşı “aparteid” şüarları səsləndiriblər.

Qanun layihəsinin əleyhinə ərəblərlə bərabər sol və mərkəzçi partiyalar da qarşı çıxıb.

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Din.Az - yaradandan yaradılana...