Uca Allah Buyurur:

İnsanlara yaxşı olmağı əmr edib özünüzü yaddan çıxarırsınız, eləmi? Bir də Kitabı oxuyursunuz. Heç ağlınızı işlədirsiniz?

Bəqərə surəsi, 44

Liviya quldur özbaşınalığından bezib: Rusiya Qəddafinin oğlunu dəstəkləyəcəkmi?

Mövcud şərtlər altında Qəddafinin oğlu birləşdirici fiqur ola bilər.

Liviya məsələsində Rusiyanın iştirakı ümumi bəyanatlardan və danışıqlarda vasitəçilikdən kənara çıxmayacaq.

Liviya xalqı quldur özbaşınalığından yorulub. Mövcud şərtlər altında Qəddafinin oğlu birləşdirici fiqur ola bilər.

Din.az bildirir ki, bunu Sputnik Azərbaycan-a “FİNAM” şirkətlər qrupunun eksperti Vladislav İsayev Liviyanın mərhum lideri Müəmmər Qəddafinin oğlunun prezident seçkiləri zamanı Moskvadan dəstək istəməsini şərh edərkən deyib. O bildirib ki, Rusiyanın Suriyadakı uğurları Qəddafini belə bir müraciəti etməyə vadar edib.

Müəmmər Qəddafinin oğlu Seyf əl-İslam Qəddafi bu günlərdə Moskvadan xahiş edib ki, gələn ilin yazında Liviyada keçiriləcək prezident seçkilərində onun namizədliyinə dəstək versin.

İsayev doktor Qəddafinin Rusiyadan məhz hərbi dəstək istədiyini düşünmür. Onun sözlərinə görə, Suriya prezidenti Bəşər Əsəd məsələsində Rusiyanın hərbi köməkdən çox öz müttəfiqlik öhdəliklərinə sadiq qalması, Qərbin təzyiqlərinə qarşı dayanmağa hazır olması, uzunmüddətli sabitliyin təmin olunması məqsədilə kompromis həll yollarına istiqamətlənməsi xarici müşahidəçilərin nəzər-diqqətini cəlb edib.

Bundan əlavə, ekspert qeyd edib ki, kiçik Qəddafinin arbitr kimi Rusiyaya müraciət etməsi regionda onun statusunu qaldırır. Bu isə Qərb ölkələrini Liviyada vəziyyəti sabitləşdirmək prosesini daha fəal şəkildə dəstəkləməyə və mərhum liderin oğlunu öz təmsilçisi kimi saymağa vadar edir.

“Düşünmürəm ki, bu vəziyyətdə Rusiyanın iştirakı ümumi bəyanatlardan və danışıqlarda vasitəçilikdən kənara çıxacaq” – deyə Sputnik Azərbaycan-ın həmsöhbəti bildirib. O əlavə edib ki, yeni müharibəyə cəlb olunmaq Rusiyanın aşkar maraqlarına cavab vermir.

İsayevin fikrincə, Seyf əl-İslam hələ yerli siyasətdə oyunçu kimi çox zəifdir və Rusiyanın ona önəm verməsi üçün yetərli deyil. Mərhum Qəddafi özü də öz siyasətində müxtəlif qüvvələr arasında manevr etməyə üstünlük verməsi ilə fərqlənmirdi.

Lakin ekspert hesab edir ki, kiçik Qəddafi hazırda ölkədə fəaliyyət göstərən iki əsas güc mərkəzi – Tobrukdakı xalq tərəfindən seçilmiş parlament və Tripolidə yerləşən, BMT tərəfindən dəstəklənən milli konsensus hökuməti üçün yaxşı kompromis ola bilər.

Sputnik Azərbaycan-ın həmsöhbətinin fikrincə, ölkə vətəndaş müharibəsindən bezib, insanlar bandit özbaşınalıqlarından yorulublar, çoxları böyük Qəddafi dövrünün xiffətini çəkirlər. Bu şərtlər altında onun oğlu hansısa birləşdirici fiqur rolunu oynaya bilər. O, arxasında güclü hərbi qüvvə olmaması səbəbindən mövcud qruplar arasında manevr etmək, uzlaşma tapmaq məcburiyyətində qalacaq.

 

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Din.Az - yaradandan yaradılana...