Uca Allah Buyurur:

Bəndəmizə (Muhəmmədə) hissə-hissə göndərdiyimizdən şübhəniz varsa, Allah ilə aranıza qoyduğunuz ulu adamlarınıza da yalvararaq ondakına bənzər bir surə gətirin! İddianızda haqlısınızsa, edərsiniz!

Bəqərə surəsi, 23

Misirin Azərbaycandakı səfirliyinin nümayəndəsi AU-da

“Azərbaycan Universiteti çoxşaxəli beynəlxalq əlaqələrin qurulmasına böyük əhəmiyyət verir”.

Misir Ərəb Respublikasının Azərbaycandakı səfirliyinin mədəniyyət attaşesi və Misir Mədəniyyət və Təhsil Əlaqələri Mərkəzinin müdiri Əhməd Sami Elaydi Azərbaycan Universitetinin rektoru Səadət Əliyeva ilə görüşüb.

Din.az xəbər verir ki, görüşdə Azərbaycan Universiteti ilə mərkəz, eləcə də Misir universitetləri arasında mümkün əməkdaşlıq perspektivləri və istiqamətləri müzakirə olunub.

Rektor Səadət Əliyeva qeyd edib ki, rəhbərlik etdiyi ali təhsil müəssisəsi çoxşaxəli beynəlxalq əlaqələrin qurulmasına və genişləndirilməsinə əhəmiyyət verir və daim diqqət mərkəzində saxlayır. Tələbələri üçün xarici tərəfdaş universitetlərdə təqaüdlü təhsil və akademik təcrübə imkanları yaradan Azərbaycan Universiteti ikili diplom proqramlarının həyata keçirilməsini strateji hədəf kimi müəyyənləşdirib.

Mərkəzin müdiri Əhməd Sami Elaydi iki ölkə arasında dost münasibətlərin inkişafından və ikitərəfli təhsil əlaqələrin inkişafına töhfə verməkdən böyük məmnunluq duyacaqlarını bildirib.

Görüşdə Azərbaycan Universitetinin Beynəlxalq əlaqələr şöbəsinin müdiri Bəxtiyar Bədəlov da iştirak edib. / Qafqazinfo.az

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Din.Az - yaradandan yaradılana...