Uca Allah Buyurur:

İnsanlara yaxşı olmağı əmr edib özünüzü yaddan çıxarırsınız, eləmi? Bir də Kitabı oxuyursunuz. Heç ağlınızı işlədirsiniz?

Bəqərə surəsi, 44

Moskvanın və bütün Rusiyanın patriarxı Prezident İlham Əliyevi təbrik edib

“Azərbaycan dövlət hakimiyyəti orqanları ilə dini birliklərin səmərəli əməkdaşlığının gözəl nümunəsidir.”

Moskvanın və bütün Rusiyanın patriarxı Kirill Azərbaycan Respublikasının Prezidenti İlham Əliyevə təbrik məktubu ünvanlayıb.

Təbrik mətnində deyilir:

“Zati-aliləri, hörmətli İlham Heydər oğlu.

Yenidən Azərbaycan Respublikasının Prezidenti seçilməyiniz münasibətilə Sizi səmimi qəlbdən təbrik edirəm.

Baş tutmuş seçkilərdə inamlı qələbəniz milyonlarla həmvətəninizin Sizə göstərdiyi yüksək etimada dəlalət edir. Əminəm ki, dövlət başçısı vəzifəsində uzun illər boyu qurucu əməyinizlə topladığınız zəngin idarəçilik təcrübəsi Sizin xalqınıza bundan sonra da eyni dərəcədə uğurla xidmət etməyinizə və ölkəni sosial-iqtisadi inkişaf yolu ilə inamla irəli aparmağınıza kömək edəcək.

Bu gün Azərbaycan dövlət hakimiyyəti orqanları ilə dini birliklərin səmərəli əməkdaşlığının gözəl nümunəsidir. Bu birliklər arasında Rus Pravoslav Kilsəsinin Bakı Yeparxiyası layiqli yer tutur. Ümidvaram ki, insanların mənəvi-əxlaqi tərbiyəsinə, etnoslararası münasibətlərin harmoniyasına və ictimai həmrəylik yaranmasına kömək edən bu qarşılıqlı fəaliyyət davam edəcək.

Sizə möhkəm cansağlığı və işlərinizdə uğurlar, Azərbaycan Respublikasının bütün xalqına sülh və firavanlıq arzu edirəm”.

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Din.Az - yaradandan yaradılana...