Uca Allah Buyurur:

Onlara: «Allahın endirdiyinə tabe olun» deyilsə, «Xeyr! Biz atalarımızı hansı yolda görmüşüksə, ona tabe olacağıq!» deyirlər. Bəs ataları ağıllarını bir şeyə işlətməmiş və düz yola da daxil olmamışdılarsa, yenə tabe olacaqlar?

Bəqərə surəsi, 170

“Multikulturalizmin Azərbaycan modeli”ə start verildi

“Multikulturalizmin Azərbaycan modeli” adlı videoçarx hazırlanacaq…

Azərbaycan Respublikasının Prezidenti yanında Gənclər Fondunun maliyyə, Yeni Azərbaycan Partiyası Gənclər Birliyinin (YAP GB) təşkilatı dəstəyi ilə “Multikulturalizmin Azərbaycan modeli” layihəsinə start verilib.

“Din.az” xəbər verir ki, YAP GB-dən AZƏRTAC-a bildiriblər ki, tədbiri giriş sözü ilə açan layihə rəhbəri Nicat Nağıyev gənclərimizə multikulturalizmin əhəmiyyəti barədə məlumat verib. O, layihə çərçivəsində Azərbaycanın multikulturalizm siyasətinin nailiyyətlərinin, ölkəmizin dünyada tolerantlıq nümunəsi olmasının təbliği ilə bağlı görüləcək işlərdən danışıb. Qeyd edib ki, layihənin yekununda “Multikulturalizmin Azərbaycan modeli” adlı videoçarx hazırlanacaq.

Azərbaycan Respublikasının Millətlərarası, multikulturalizm və dini məsələlər üzrə Dövlət müşavirinin xidmətinin əməkdaşı Sərraf Hüseynov Azərbaycan Prezidenti İlham Əliyevin Sərəncamına əsasən, 2016-cı ilin ölkəmizdə “Multikulturalizm ili” elan edildiyini deyib. O, ölkəmizdə tarixən mövcud olan multikulturalizmin təbliği istiqamətində Azərbaycan dövləti tərəfindən həyata keçirilən tədbirlərdən danışıb.

Layihə çərçivəsində keçirilən seminarlarda 50-dən çox tələbə və media nümayəndəsi iştirak edib.

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir