Uca Allah Buyurur:

İnsanlara yaxşı olmağı əmr edib özünüzü yaddan çıxarırsınız, eləmi? Bir də Kitabı oxuyursunuz. Heç ağlınızı işlədirsiniz?

Bəqərə surəsi, 44

MÜSƏLMAN FARSLAR DAŞNAKSÜTUNA QUCAQ AÇDI, AZƏRBAYCANLI FƏALLAR AYAĞA QALXDI

İranda daşnaksütyun ideologiyası…

Azərbaycan Milli Hərəkat fəalları erməni Daşnaksütyun ideologiya xətti tərəfdarlarının Tehranda uydurma erməni soyqırımı ilə əlaqədar keçirmək istədikləri etiraz aksiyası barədə xəbərdarlıq ediblər.

“Din.az” “GünAzTV”yə istinadən xəbər verir ki, fəallar aprelin 24-də keçirilməsi gözlənilən aksiya ilə əlaqədar bəyanat yayıb:

“Müşahidələrə görə, Daşnaksütyun partiyasının lobbisi, Ararat Gənclər Birliyi, Tehran Ararat İdman və Mədəniyyət Klubu, Müqəddəs Sarkis Kilsəsi və Ermənistanın Tehrandakı Səfirliyi,  Daxili İşlər Nazirliyinə məktub göndərərək uydurma erməni soyqırımı ilə əlaqədar aprelin 24-də Tehranda etiraz aksiyası keçirmək üçün icazə istəyiblər. İran dövləti ötən illərdə 40 milyon Azərbaycan türkünün gözü qarşısında onların yalançı iddialarının təkrar edilməsinə şərait yaratmışdır. Lakin ötən il erməni lobbisinə belə bir icazə verilmədi və onlar sadəcə Tehranda Müqəddəs Sarkis Kilsəsində Türkiyə və türk dünyasına qarşı şüarlar səsləndirdilər.

Güney Azərbaycan türk milləti heç bir irq, məzhəb və dinlə düşmənçilik etmir və Azərbaycan Milli Hərəkatının ideyaları sülh prinsipi və demokratik üsullara söykənir. Lakin Azərbaycan və türk dünyası əleyhinə saxta tarix quraşdırmaq heç bir şəkildə qəbul edilə bilməz. Ermənistan ordususunun Dağlıq Qarabağdakı cinayətləri, Daşnaksütyun partiyası və ciloların Urmiyə, Xoy və Salmasda törətdikləri faciə bir acı xatirə kimi hələ də yaddaşlardan silinməyib. Belə bir vəziyyətdə onların islam hökuməti bayrağı altında türklərə qarşı aksiya keçirməsi təmami ilə qəbuledilməzdir”- deyə bəyanatın bir hissəsində qeyd olunub.

Sonda azərbaycanlı fəallar vurğulayıb ki, ölkədə seçkilər ərəfəsində Daşnaksütyun partiyası tərəfdarlarının Türkiyə səfirliyi qarşısında aksiya keçirməsi İslam Cümhuriyyəti üçün bir qara ləkə olmaqla yanaşı Azərbaycan türk millətinin kəskin etirazına səbəb olacaq. Təbii ki, bu hadisə seçkilər dönəmində Təbriz, Tehran və Urmiyə kimi şəhərlərin təhlükəsizlik vəziyyətinə də öz təsirini göstərəcək.

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Din.Az - yaradandan yaradılana...