Uca Allah Buyurur:

Bəndəmizə (Muhəmmədə) hissə-hissə göndərdiyimizdən şübhəniz varsa, Allah ilə aranıza qoyduğunuz ulu adamlarınıza da yalvararaq ondakına bənzər bir surə gətirin! İddianızda haqlısınızsa, edərsiniz!

Bəqərə surəsi, 23

Müsəlman konqresmen ABŞ-ı tənqid edib

Yəməndə münaqişələr nəticəsində 17 min nəfər ölüb, 40 min insan isə yaralanıb.

ABŞ Konqresinin Nümayəndələr palatasının ilk müsəlman qadın üzvü İlhan Ömər ölkəsini Səudiyyə Ərəbistanının fəaliyyətini dəstəklədiyi üçün tənqid edib.

Din.az bildirir ki, məlumatı “Anadolu” agentliyi yayıb.

O, Nümayəndələr palatasının Xarici işlər üzrə komitəsinin iclasında Yəmən ərazisində fəaliyyət göstərən ərəb koalisiyasına başçılıq edən Səudiyyə Ərəbistanına ABŞ-ın dəstəyinin dayandırılması ilə bağlı qanun layihəsinin müzakirəsində çıxış edib. İ.Ömər bildirib ki, Səudiyyə Ərəbistanının başçılıq etdiyi koalisiyanın Yəməndə husilərə qarşı döyüşməsi dünyada ən ağır humanitar faciələrdən birinə çevrilib: “Son 3,5 ildə Yəməndə münaqişələr nəticəsində 17 min nəfər ölüb, 40 min insan isə yaralanıb. 3 milyon nəfər Yəməndə daxili köçkün olub. 22 milyon insanın isə humanitar yardıma ehtiyacı var”.

Konqresmen qeyd edib ki, ABŞ Yaxın Şərqin digər ölkələrində insan hüquqları və sabitliyin pozulması hallarına dərhal reaksiya verir, ancaq bu münasibəti rəsmi Ər-Riyada qarşı nümayiş etdirmir: “Biz Səudiyyə Ərəbistanında insan hüquqlarının pozulması hallarına münasibətdə həmin standartları niyə tətbiq etmirik?”.

Qeyd edək ki, Yəməndə 2014-cü ildən devrilmiş Prezident Əli Abdullah Salehinin tərəfdarları və husi qiyamçıları ilə Prezident Abdurabbi Mənsur Hadiyə rəğbət bəsləyən hökumət qoşunları arasında silahlı münaqişə davam edir. / Milli.Az

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Din.Az - yaradandan yaradılana...