"Cümə" surəsi, 62/9

“Ey iman gətirənlər! Cümə günü namaza çağırılanda Allahı yad etməyə tələsin və ticarəti dayandırın. Bilsəniz, bu sizin üçün nə qədər xeyirlidir!”

Bütün xəbərlər »
Qaynar Xəbərlər
sami-yusuf-2013

Müsəlman müğənni Türkiyə üçün dua etdi

Share Button

Avstraliyanın Melbourn şəhərində konsert verən məşhur müğənni Sami Yusuf Atatürk hava limanındakı terror hücumunda Türkiyədə […]

Avstraliyanın Melbourn şəhərində konsert verən məşhur müğənni Sami Yusuf Atatürk hava limanındakı terror hücumunda Türkiyədə olduğunu bildirərək “Allah Türkiyəni qorusun” deyib.

“Din.az” xəbər verir ki, konsert vermək üçün ilk dəfə Avstraliyaya gələn Azərbaycan əsilli ingilis müğənni Sami Yusuf Melbourndakı konsertində heyranları ilə görüşüb.

Köhnə və yeni albomu “Barakah”dan əsərlərini səsləndirən Yusuf heyranlarının sevgisi ilə qarşılaşıb.

Yusuf, Melbourn konsertindən əvvəl verdiyi açıqlamada, Atatürk hava limanındakı terror hücumunda yaşadığı üzüntüsünü dilə gətirib.

Hücumun gerçəkləşdirildiyi gün Türkiyədə olduğunu bildirən Yusuf, “bütün qəlbimlə zərər çəkmiş insanların yanındayam. Ailələr üçün ilk 6-7 saat heç bir şey bilməmək həqiqətən çox çətindir, ürəyim onlarla birlikdədir. Allahın rəhməti onlarla olsun, Allah səbr versib və həqiqətən çox çətin anlar idi” deyib.

Hücumla bağlı sosial şəbəkədə ilk həmrəylik mesajlarından birini onun paylaşdığını bildirən müğənni, “Allah Türkiyəni qorusun, Müsəlman dünyasını qorusun, insanlığı qorusun və dünyadakı yaxşı insanları…Ümid edirəm, gələcəkdə daha gözəl günlər görərik” ifadələrini işlədib.

Avstraliya turnesini 8 iyulda Sidneydə verəcəyi konsertindən sonra tamamlayacaq Sami Yusuf, 17 iyul Antalyada heyranları ilə görüşəcək.

BƏNZƏR MƏQALƏLƏR

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Top