Uca Allah Buyurur:

İnsanlara yaxşı olmağı əmr edib özünüzü yaddan çıxarırsınız, eləmi? Bir də Kitabı oxuyursunuz. Heç ağlınızı işlədirsiniz?

Bəqərə surəsi, 44

Müsəlmanlar üçün məscid vergisi tətbiq olunacaq

Yeni qanun müsəlmanların ciddi etirazına səbəb ola bilər.

Almaniya hökuməti “kilsə yığımı” nümunəsinə əsaslanaraq, müsəlmanlardan məsciddən istifadəyə görə vergi toplamağı planlaşdırır.

Din.az xəbər verir ki, bundestaqın deputatları bu yolla məscidlərin ərəb dövlətlərinin dotasiyalarından asılılığını azaltmağa və radikal cərəyanların qarşısını almağa çalışırlar.

Almaniyada yaşayan bir çox müsəlmanlar qanunun qəbul olunacağı təqdirdə bunun müsəlmanların ciddi etirazına səbəb olacağını və çox sayda müsəlmanın vergidən yayınaraq radikallara qoşulacağını güman edirlər.

Almaniyada kilsə vergisi kilsənin rəsmi olaraq dövlətdən ayrılmasından sonra, XIX əsrin sonlarından tətbiq olunur. XX əsrin əvvəllərində “dini vergi” qanun şəklində təsbit olunub və onun toplanması dövlətə həvalə olunub. Qanun buna qədər yalnız katolik və protestantlara şamil olunurdu.

Habelə digər din və konfessiyalardan olan sakinlər könüllü olaraq vergini verə bilirdi. Toplanan vəsaitin ünvanına – məscid, sinaqoq və ya kilsəyə çatması üçün vergiödəyicisi fiskal orqanlara arayış təqdim edir. Bir qayda olaraq “dini vergi” gəlir vergisinin 3-5 faizini təşkil edir.

Təqaüdçülər, aztəminatlılar və tələbələr bu vergidən azaddır. Vergi ateistlərə və digər konfessiyaların nümayəndələrinə şamil olunmur. / Milli.Az

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Din.Az - yaradandan yaradılana...