Uca Allah Buyurur:

İnsanlara yaxşı olmağı əmr edib özünüzü yaddan çıxarırsınız, eləmi? Bir də Kitabı oxuyursunuz. Heç ağlınızı işlədirsiniz?

Bəqərə surəsi, 44

Müsəlmanlara zülmə qarşı çıxmadı – Daha bir mükafatı əlindən alındı

Arakan müsəlmanlarına qarşı təzyiqlər hələ də davam edir.

Myanma Xarici İşlər, Dövlət Aparatı naziri və dövlət müşaviri Aunq San Suu Çiiyə verilmiş daha bir mükafat əlindən alınıb.

Din.az xəbər verir ki, beynəlxalq insan haqları təşkilatı olan “Amnesty International” 2009-cu ildə həbsdə olarkən Suu Çiiyə verdiyi “Vicdan Səfiri” mükafatının geri alındığını açıqlayıb.

Bu barədə qurumun Baş katibi Kumi Naydoo bunları dilə gətirib:

“Artıq ümidin, cəsarətin və insan haqlarının əbədi müdafiəsinin bir simvolu olmadığı üçün çox təəccüblənirik. Suu Çii Maynmada insan haqları və ədaləti təmin etmək üçün əxlaqi və siyasi statusunu istifadə etməyib. Bu bizi çox məyus etdi”.

Xatırladaq ki, “Nobel Sülh Mükafatı”nı da almış 73 yaşlı Suu Çii 2007-ci ildə ona verilmiş Kanadanın fəxri vətəndaşlığından ötən ilin oktyabrında çıxarılıb.

Bundan başqa, ABŞ-ın Holokost Xatirə Muzeyi tərəfindən 2012-ci ildə ona verilmiş “Elie Wiesel” mükafatı, ölkədəki Arakan müsəlmanlarına qarşı zülm və zorakılıq hadisələrinə səssiz qaldığına görə geri alınıb.

Həmçinin, İngiltərədə Oksford, İrlandiyada Dublin bələdiyyə məclisləri ona verilmiş azadlıq nişanlarını 2017-ci ildə geri alıblar.

Qeyd edək ki, 2017-ci ilin avqust-sentyabr aylarında radikal buddist Myanma əsgərləri Arakan müsəlmanlarına qarşı soyqırım həyata keçirib, 10 mindən çox müsəlman qətlə yetirilib. 720 mindən çox insan isə zülmdən qaçaraq Banqladeşə sığınıb. / Qafqazinfo.az

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Din.Az - yaradandan yaradılana...