Uca Allah buyurur::

“Üzünüzü və dirsəklərə qədər əllərinizi yuyun, başınıza məsh çəkin və topuqlara qədər ayaqlarınızı yuyun (məsh çəkin). Natəmiz olmusunuzsa, yuyunun!”

"Maidə" surəsi, 5/6

NBC News: Tramp İsrailin İŞİD sıralarındakı agentinin həyatını təhlükə altında qoyub

Sərnişin təyyarələrindən birini partlatmaq planı barədə məlumat ABŞ-a ötürülüb.

ABŞ prezidenti Donald Tramp Rusiya XİN rəhbəri Sergey Lavrovla görüşü zamanı məxfi məlumatları açıqlamaqla, İsrailin İŞİD terror qruplaşmasının sıralarındakı gizli agentinin həyatını təhlükə altında qoyub. 

Din.az-ın APA-ya istinad etdiyi xəbərə görə, bu barədə NBC News telekanalı adları çəkilməyən ABŞ məmurlarına istinadən məlumat yayıb.

“Washington Post” bundan əvvəl yaydığı məlumatda bildirmişdi ki, Tramp danışıqlar zamanı Lavrova İŞİD-lə bağlı tamamilə məxfi məlumatlar təqdim edib. Yerli KİV-lər söhbətin təyyarələrdə terror aktı təhlükəsindən getdiyini ehtimal edirlər.

Telekanalın məlumatına görə, İsrailin gizli agenti İŞİD-in Amerikaya uçan sərnişin təyyarələrindən birini noutbuka quraşdırılmış partlayıcı qurğu vasitəsilə partlatmaq planı barədə məlumatı ABŞ-a ötürüb.  Məlumata görə, aeroportlardakı yoxlama sistemləri bu cür partlayıcı qurğuları aşkarlamaq iqtidarında deyil.

Telekanal məlumatın etibarlı mənbədən ötürüldüyünü qeyd edir. Belə ki, ABŞ Yaxın Şərq ölkələrindən ölkəyə uçan təyyarələrin göyərtəsinə noutbukların keçirilməsinə qadağa qoyub. Qadağanın tezliklə Avropa ölkələrindən ABŞ-a uçan təyyarələrə də şamil ediləcəyi gözlənilir. Bu addımların terror təhlükəsinin aradan qaldırılmasının təmin olunması ilə əlaqələndirilir.

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Din.Az - yaradandan yaradılana...