Uca Allah Buyurur:

Onlara: «Allahın endirdiyinə tabe olun» deyilsə, «Xeyr! Biz atalarımızı hansı yolda görmüşüksə, ona tabe olacağıq!» deyirlər. Bəs ataları ağıllarını bir şeyə işlətməmiş və düz yola da daxil olmamışdılarsa, yenə tabe olacaqlar?

Bəqərə surəsi, 170

Pakistan baş nazirinin Səudiyyə kralına etinasız yanaşması qalmaqal yaradıb

Salman bin Əbdüləzizə qarşı etinasızlıq edildi.

Bir sıra ərəb KİV-ləri bu məsələni gündəmə çıxararaq, İmran Xanın niyə belə jestlə danışmasını izah etməyə çalışıblar…

Pakistanın baş naziri İmran Xan Səudiyyə Ərəbistanı hökumətinin Məkkədə təşkil etdiyi zirvə toplantısı çərçivəsində Salman bin Əbdüləzizlə görüşü zamanı etinasız davranıb.

Din.az SalamNews-a istinadla xəbər verir ki, İmran Xanın Məkkə zirvə toplantısı çərçivəsində Səudiyyə Ərəbistanı kralı Salman bin Əbdüləziz, habelə onun oğlu birinci vəliəhd (eyni zamanda müdafiə naziri) Məhəmməd bin Salmanla görüşü zamanı etinasızlığa və hörmətsizliyi əks etdirən əl hərəkətləri və jestləri nümayiş etdirməsi qalmaqal yaradıb.

Görüntülərdən bəlli olur ki, tənqidi jestlə əl hərəkətləri göstərən İmran Xan sözünü deyəndən sonra tərcüməçinin krala tərcümə etməsini gözləmir və etinasız şəkildə digər zala keçir.

Bir sıra ərəb KİV-ləri bu məsələni gündəmə çıxararaq, İmran Xanın niyə belə jestlə danışmasını izah etməyə çalışıblar.

Lakin ərəb fəallar sosial şəbəkələr vasitəsilə bildiriblər ki, İmran Xan Səudiyyə kralı və onun oğlunu islam dünyası və regionla bağlı siyasətini tənqid edib.

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Din.Az - yaradandan yaradılana...