Uca Allah Buyurur:

Bəndəmizə (Muhəmmədə) hissə-hissə göndərdiyimizdən şübhəniz varsa, Allah ilə aranıza qoyduğunuz ulu adamlarınıza da yalvararaq ondakına bənzər bir surə gətirin! İddianızda haqlısınızsa, edərsiniz!

Bəqərə surəsi, 23

QMİ-nin bölgə nümayəndələrinə maddi dəstək verilməyəcək

“Din xadimlərinə dövlət tərəfindən maaş deyil, maddi dəstək verilir”.

Bu il Qafqaz Müsəlmanları İdarəsinin (QMİ) bölgələr üzrə qazıları və səlahiyyətli nümayəndələri maddi dəstək alan şəxslərin siyahısından çıxarılıb.

Din.az bildirir ki, Dini Qurumlarla İş üzrə Dövlət Komitəsi bu barədə Oxu.Az-ın sorğusuna cavab olaraq məlumat verib.

Bildirilib ki, din xadimlərinə dövlət tərəfindən maaş deyil, maddi dəstək verilir:

“Məlum olduğu kimi, Azərbaycan Respublikası Prezidentinin 10 oktyabr 2017-ci il tarixli Fərmanı ilə Azərbaycan Respublikası Dini Qurumlarla İş üzrə Dövlət Komitəsinin tabeliyində Mənəvi Dəyərlərin Təbliği Fondu yaradılıb. Fondun fəaliyyətinin əsas istiqamətlərindən biri də mənəvi dəyərləri təbliğ edən şəxslərə – din xadimlərinə maddi dəstəyin verilməsidir. Ötən il olduğu kimi bu il də QMİ ilə birgə maddi dəstək alacaq din xadimlərinin siyahısı müəyyənləşdirilərək onlara maddi dəstək verilməsinə başlanılıb. Lakin 2018-ci ildən fərqli olaraq bu il QMİ-nin bölgələr üzrə qazıları və səlahiyyətli nümayəndələri maddi dəstək alan şəxslərin siyahısından çıxarılıb. Buna səbəb həmin şəxslərin QMİ-dən maaş almalarıdır”.

Qeyd olunub ki, fonddan dəstək alan 986 din xadimi var. Onlardan 380 nəfəri imam, 271 nəfəri imam müavini, 335 nəfəri isə mütəvəllidir. İmamlara 450 AZN, imam müavinlərinə 350 AZN, mütəvəllilər isə 250 AZN maddi dəstək verilir.

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Din.Az - yaradandan yaradılana...