Uca Allah Buyurur:

Onlara: «Allahın endirdiyinə tabe olun» deyilsə, «Xeyr! Biz atalarımızı hansı yolda görmüşüksə, ona tabe olacağıq!» deyirlər. Bəs ataları ağıllarını bir şeyə işlətməmiş və düz yola da daxil olmamışdılarsa, yenə tabe olacaqlar?

Bəqərə surəsi, 170

QMİ Quba məzarlığının torpağa basdırılmasına belə REAKSİYA VERDİ …

“Artıq hadisələrin üstündən həddindən artıq vaxt keçib və cəsədlərdən əsər-əlamət qalmayıb”.

Xəbər verdiyimiz kimi Quba məzarlığı torpağın altına basdırılıb. Bu proses müsəlman adət-ənənələrinə uyğun olub. Eyni zamanda Quba memorial kompleksinin yerində 31 marta kimi Soyqırımı abidəsi ucaldılacaq.

Bundan öncə məzarlıqdakı sümüklər aşkar şəkildə nümayiş etdirilirdi. Artıq 12 ildir ki, vəziyyət belə idi.

Maraqlıdır, Quba məzarlığındakı sümüklərin basdırılmaması, sümüklərin nümayişi İslam dininin qaydalarına cavab verirdimi?

Din.az bildirir ki, bununla bağlı “Məşədi Dadaş” məscidinin imam-camaatı, Qafqaz Müsəlmanları İdarəsinin (QMİ) səlahiyyətli nümayəndəsi Hacı Şahin Həsənli Modern.az saytına açıqlama verib:

“Dini baxımdan insan dünyasını dəyişdikdən sonra onun yuyulması, kəfənə bükülməsi, meyit namazı qılınandan sonra dəfn edilməsi vacibdir.

Qəbirin açılmasına da dinimiz icazə vermir. Yalnız zəruri səbəb olarsa, bu, mümkündür. Məsələn, istintaq araşdırması ola bilər yaxud insanın dəfn olunduğu torpaq kiməsə məxsus olur – o halda qəbir götürülə bilər. Yalnız sadaladığım bu kimi hallarda qəbirin açılması mümkündür. Digər tərəfdən əgər uzun müddət keçib və qəbirdə olan meyit tam aradan çıxıbsa, o qəbirin açılmasına dinimiz icazə verir. O halda ki cəsədin kimliyi bəlli deyil və yoxa çıxıb”.

Quba məzarlığındakı sümüklərin açıqda qalması istisna hal hesab edilə bilər

“Çünki artıq hadisələrin üstündən həddindən artıq vaxt keçib və cəsədlərdən əsər-əlamət qalmayıb. Həmin sümüklər də qazıntılar zamanı aşkar olunub. Lakin hazırda Quba məzarlığı müsəlman adət-ənənələrinə görə dəfn olunub. Bu da məqbul hesab edilir”.

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Din.Az - yaradandan yaradılana...